Thursday, December 8, 2011

ත්‍රස්තවාදයට එරෙහිව මානුශිකව මැදිහත්වීම - චම්පික රනවක රක්නා ජෝර්ජ් බුෂ්ගේ උරුමය


 "ප්‍රජාතත්ත්‍රවාදය තහවුරු කිරීම"  වෙනුවෙන් හිලවු වූ ඇෆ්ඝනිස්ථානු ලදරුවෙක්
1
1991 දී සෝවියට් සංගමය බිදවැටීම සමග පෘතුවි තලයේ උදා වූයේ අලුත් අවධියකි.මෙම අලුත් යුගය ආරම්භ වූයේ ලිබරල් ධනවාදයේ ජයග්‍රාහී කාහල නාදය මධ්‍යයේය.ලිබරල් ධනවාදයේ න්‍යායාචාර්යවරු සිහින දැකීම නවතා දමන ලෙස ලෝකය පුරා සිටි විකල්ප මතධාරීන්ගෙන් ආදරයෙන් ඉල්ලා සිටියහ.ගෝලීය ධනවාදය පිලිගැනීම හැර වෙනත් විකල්පයක් නොමැති බවට ඔවුහු අභිමානයෙන් නිවේදනය කලහ.ලිබරල් ප්‍රජාතන්ත්‍රවාදය ජයග්‍රහනය කිරීමත් සමග ලෝකයේ ඉතිහාසය අවසාන වී ඇති බවත් මානව වර්ගයා පරම සැපත උදා කරගෙන ඇති බවත් පැවසූ මෙම විද්වත්හු ලිබරල් මිනිසා මානව පරිනාමයේ අවසන් අග්‍රඵලය ලෙස පිලිගත යුතු යැයි උදම් ඇනූහ.

සීතල යුද සමයේදී අමෙරිකානු දේශපාලකයන් සෝවියට්-අමෙරිකානු ප්‍රති‍විරෝධය විස්තර කලේ කොමියුනිස්ට් ලෝකය සහ නිදහස් ලෝකය අතර ගැටුමක් ලෙසිනි.දුෂ්ට කොමියුනිස්ට් ලෝකය මිනිස් නිදහසට සතුරු වූ අන්ධකාර ලෝකයක් ලෙස විස්තර කරනු ලැබූ අතර බර්ලින් තාප්පයෙන් ධනවාදී ලෝකයට පලා එන ජනයා නිදහස සොයා බටහිර වෙත ඇදෙන සරනාගතයන් ලෙස හදුන්වා දෙන ලදී.එම දුෂ්ට කොමියුනිස්ට් ලෝකය බිදවැටී ලිබරල් ධනවාදය ලොව පුරා ජයග්‍රහනය කිරීම මේ අනුව "නිදහස් ලෝකය" ලැබූ ජයග්‍රහනයක් ලෙස පින්තාරු වීම නොවැලැක්විය හැකි විය.

එලෙස බිහි වූ නව ලෝක රටාවේ පීතෘමූලිකයා ලෙස අබිසෙස් ලැබුවේ එක්සත් ජනපදයයි.බර්ලින් තාප්පය බිද වැටීම ලෝකයේ සියලුම ව්‍යුහයන් සහ කතිකාවන් උඩු යටිකුරු කලේය.ලොව පුරා පැවැති රුසියාවෙන් ආධාර ලැබූ නිල කොමියුනිස්ට් පක්ෂ එක්කෝ විසුරුවා දමන ලදී.නැතිනම් සමාජ ප්‍රජාතන්ත්‍රවාදී පක්ෂ බවට පරිවර්තනය කරන ලදී.මාක්ස්වාදයේ මියයාම දේශනා කරන වාම වේශධාරී සුභාරංචි දේශකයෝ ලොව පුරා මතුවන්නට වූහ.ලංකාවේදී චම්පික රනවක මාක්ස්වාදය වෙනුවට හරිත සමාජවාදය සහ වර්ගවාදය පිලිබද සුභාරංචිය වදාරන්නට වූ අතර අනෙත් අතින් දීප්ති කුමාර ගුනරත්න පශ්චාත් නූතනවාදී සුභාරංචි සුරතින් රැගත් අසිරිමත් පනිවුඩකරුවෙකු ලෙස ප්‍රාදුර්භූත වූයේය.සමාජ සාධාරනත්වය වෙනුවෙන් සටන් කිරීම රාජ්‍ය නොවන සංවිධාන වල ප්‍රොජෙක්ට් බවට පත්විය.සමසමාජ කොමියුනිස්ට් පරම්පරාවේ වාමාංශිකයෝ එක්කෝ රාජ්‍ය නොවන සංවිධානවල ප්‍රධානීන් බවට පත්ව තමුන් යුක්තිය වෙනුවෙන් සටන් කරනවා යැයි සිත සාදාගත්හ.නැතිනම් හුදෙක් දේශපාලනයෙන් විශ්‍රාම ගියහ.

මෙම ගෝලීය පරිවර්තනය සියලු ජාත්‍යන්තර සබදතා කනපිට ගැසුවේය.සීතල යුද්ධය නොමැති සන්දර්භයක නොබැදි ජාතීන් යන්න විකට යෙදුමක් බවට පත්විය.ඉන්දියාව බදු සෝවියට් කදවුරේ පතාකයෝ එක්සත් ජනපදය සමග න්‍යෂ්ඨික සම්මුතීන්ට එලඹෙන්නට වූහ.චීනය එක්සත් ජනපද‍යේ ප්‍රේමනීය වෙලද හවුල්කරුවෙකු බවට රූපාන්තරනය විය.හදිසියේම ලෝකය තනි යායක් බවට පත්විය.මෙම සමතලා තනි යායේ  දකුනේ සිට උතුරටත්,උතුරේ සිට දකුනටත් ප්‍රාග්ධනය නිදහසේ ගලායන්නට පටන් ගත්තේය.එකම ගෝලීය ධනවාදී අධිරාජ්‍යයක ප්‍රාදේශීය රාජධානි සහිත සිතියමක් ලෙස මේ අනුව ලෝක දේශපාලන සිතියම අලුත් අර්ථකථනයකට භාජනය විය.


ඇෆ්ගනිස්ථානු ලදරුවාගේ දමිල අර්ධ සොහොයුරා
"මම ද ප්‍රජාතන්ත්‍රවාදය වෙනුවෙන් බිලි වුනෙමි" 
මෙම අභිනව ලෝක රටාවට අනුකූලව රටවල් අතර සබදතා පාලනය කෙරෙන ජාත්‍යන්තර නීතිය පවා මේ අනුව අලුතින් නිපදවා ගත යුතු විය.වෙස්ට්ෆේලියා සාම ගිවිසුමේ සිට සීතල යුද්ධය අවසාන වීම දක්වා සියවස් ගනනාවක කාලය තුල දේශාන්තර සම්බන්ධතාවන්හි මූලික සීමාව ලෙස ජාතික රාජ්‍යයේ ස්වාධිපත්‍යය සලකනු ලැබීය.සියලුම ජාතික රාජ්‍යයන් එක සමාන ලෙස ස්වාධිපති බවත් රටක ස්වාධිපත්‍යයට වෙනත් රටක් විසින් ඇගිලි ගැසීම බරපතල වරදක් බවත් මේ අනුව ජාත්‍යන්තර සබදතා විෂය තුල අර්ථ දැක්වින.
ජාතික රාජ්‍යයේ ස්වාධිපත්‍යය පරමත්වයට නැංවූ මෙම පැරනි අන්තර්ජාතික සබදතා න්‍යාය '91 පසු බිහිවූ නව ලෝක රටාවට තවදුරටත් ගැලපෙන්නක් නොවීය.අභිනව ලිබරල් අධිරාජ්‍යයේ පිලිවෙල (අබාධ ප්‍රාග්ධන සංචලනය) පවත්වාගැනීමට නම් එම පිලිවෙල කඩාකප්පල් වෙන ලෙස යම් ප්‍රාදේශීය හිතුවක්කාරයෙකු හැසිරෙන්නේද, ඔහුව ආන්ඩු මාට්ටු කිරීමේ බලයක් අධිරාජ්‍යය භාරව සිටින පීතෘමූලිකයා සතුව පැවැතීම අවශ්‍ය විය. නිදසුනක් ලෙස ඉරාකය ලිබරල් අධිරාජ්‍යයේ පිලිවෙල කඩාකප්පල් වන ලෙස හැසිරේ නම් එම රාජ්‍යය මට්ටු කිරීමේ බලය අධිරාජ්‍යය වෙත තිබිය යුතුය.එබදු මට්ටු කිරීමක් සමග ස්වාධිපත්‍යය අනුලංඝනීය ශික්ෂාවක් ලෙස සලකන පැරනි ජාත්‍යන්තර නීති තර්කය සපුරා ගැටේ.අපගේ නිදසුනින්ම පැහැදිලි කරන්නේ නම්  ලිබරල් අධිරාජ්‍යයේ පිලිවෙල පවත්වාගනු වස් පීතෘමූලිකයා ( එක්සත් ජනපදය)  ඉරාකයට බලපෑම් කලහොත් එය ස්වාධිපත්‍යයට එරෙහිව සිදුකෙරෙන නොමනා ක්‍රියාවක් ලෙස පැරනි කතිකාවත තුල අරුත් ගැන්වීමට පුලුවන.මේ නිසා ස්වාධිපත්‍යය මූලික කරගත් කතිකාවත වෙනුවට ගෝලීයව වෙනත් නව කතිකාවක් ජාත්‍යන්තර සබදතා විෂයෙහි මතුකරගැනීම අත්‍යවශ්‍ය විය.

එලෙස බිහි වූ කතිකාවත වනාහි ජාත්‍යන්තර මානුශවාදී වගකීම පිලිබද ප්‍රවාදයයි.ජාත්‍යන්තර සම්බන්ධතාවලදී රාජ්‍යයන්හි ස්වාධිපත්‍යයට වඩා මානුශවාදී නීතිය බලසම්පන්න විය යුතු බවට නව ප්‍රවාදයක් මේ අනුව 90 දශකයේදී සූත්‍රගත විය.රාජ්‍යයක් සිය පුරවැසියන්ට අඩත්තේට්ටම් කරන්නේ නම් ජාත්‍යන්තර ප්‍රජාවට එම පුරවැසියන්ගේ අයිතිවාසිකම් වෙනුවෙන් මැදිහත්වීමේ අයිතියක් තිබෙන බවට මේ අනුව සංකල්පගත විය.උදාහරනයක් ලෙස ලිබියාවේ රජය සිය පුරවැසියන්ගේ මානුශික අයිතීන් කඩ කරන්නේ නම් ජාත්‍යන්තර ප්‍රජාවට එම ජනතාව වෙනුවෙන් ලිබියාවට මැදිහත් වීමේ අයිතිය තිබේ.මෙම මැදිහත් වීම පැරනි අර්ථයෙන් ස්වාධිපත්‍යයට එරෙහිව කරන වරදක් නොව "මානුශවාදී මැදිහත්වීමකි".90 දශකයට පෙර මේ අනුව හුදු ආක්‍රමනයක් ලෙස හැදින්විය හැකි කටයුත්තක් 90 දශකයට පසු බිහිවූ නව ‍ගෝලීය කතිකාවත තුල මානුශවාදී මැදිහත්වීම  නැමැති සෞන්දර්යාත්මක නාමයෙන් වර්න ගන්වන ලදී.


2
මානුශවාදී මැදිහත්වීම යනු පශ්චාත් සීතල යුධ ලෝකයේ ලිබරල් අධිරාජ්‍යය විසින් නිපදවා ගනු ලැබූ විශිෂ්ටතම දෘෂ්ඨිවාදී තර්කයයි.ඔබට යුද්ධයකට හෝ ආක්‍රමනයකට විරුද්ධ විය හැක.නමුත් මානුශවාදී ඛේදවාචකයක් පවත්නා තැන මානුශවාදීව සිදුකෙරෙන මැදිහත්වීමක් සදහා විරුද්ධ වන්නේ කෙසේද?මානුශවාදී මැදිහත්වීම යන යෙදුමින්ම එය හුදු යුද්ධයක් නොවන බව පෙන්නුම් කරනවා නේද?


ජාතික රාජ්‍යයන්ගේ අන්තනෝමතිකභාවය පාලනය කිරීම සදහා විශ්ව සාධාරන ජාත්‍යන්තර මානුශවාදී නීතියක් තිබිය යුතුය යන්න කෙල්සන් වැනි නීතිවේදීන් විසින් මතුකල දීප්තිමත් අදහසකි.එම දීප්තිමත් අදහස එක්සත් ජනපදයේ පීතෘමූලිකත්වය සහිත නව ලිබරල් සන්දර්භය තුලට ආ කල්හි අද වනවිට ඊට සැපයී තිබෙන්නේ කෙල්සන් වැන්නවුන් සිහිනෙනුදු අපේක්ෂා නොකල විකෘති ප්‍රතිඵලයකි.

බටහිර විරෝධයෝ වම්හ.බටහිර ආයුධ බටහිර සංකල්ප සහ බටහිර ප්‍රාග්ධනය  හැර බටහිර අන් සියලු දෙය අකැපය

2011 සැප්තැම්බර් 11 ප්‍රහාරයෙන් පසු ගෝලීයව ත්‍රස්තවාදයට එරෙහි යුද්ධයක් ප්‍රකාශයට පත්කල අමෙරිකානු ජනාධිපති ජෝර්ජ් බුෂ් "එක්කෝ ඔබ අප සමගය නැතිනම් සතුරා සමගය" යනුවෙන් ලෝකයාට නිවේදනය කලේය.ඇෆ්ඝනිස්ථානයේ තලෙයිබාන් මර්ධනයෙන් එම ජනතාව ගලවා ගැනීම සදහා නේටෝ හමුදා එරටට කඩා වැදුනු අතර ඉරාකයට මැදිහත්වූයේ සදාම් හුසේන්ගේ ඒකාධීපතීත්වය පරදවනු සදහාය.ලිබියාව මත බෝම්බ හෙලූයේ ගඩාෆි විසින් ඇතිකල මානවවාදී ඛේදවාචකය අවසන් කරනු වස්ය.මේ ආදී වශයෙන් පශ්චාත් සීතල යුද සමයේ සිදුවූ සෑම යුද්ධයක් සදහාම "සාධාරන හේතුවක්" පැවැතිනි.ආකර්ශනීය ලෙස පුවත් සපයන ප්‍රමුඛ මාධ්‍ය ආයතන විසින් මෙම "සාධාරන හේතුව" යලි යලිත් වර නංවන ලදී.මෙම සෑම යුද මෙහෙයුමක්ම ප්‍රජාතන්ත්‍රවාදී පරමාදර්ශයන් වෙනුවෙන් සිදුවන බවට බටහිර සමාජවල පුරවැසියන්ගෙන් සැලකිය යුතු බහුතරයක් සද්භාවයෙන් විශ්වාස කලහ.

නිදහස් ප්‍රාග්ධන සංචරනයට බාධාකරන අධිරාජ්‍යයේ ප්‍රාදේශීය හිතුවක්කාරයන් - මිලොසෙවික් හා ගඩාෆි බදු මෙම හිතුවක්කාර ප්‍රාදේශීය උප රජවරුන්ද අගය කල යුත්තෝ නොවෙති.මොවුහු සියල්ලෝ අඩු වැඩි වශයෙන් පවුල්වාදී,වර්ගවාදී ගර්හා කටයුතු පංචස්කන්ධ වෙති - සම්බන්ධයෙන් අධිරාජ්‍යයේ අධිපතීන් අනුගමනය කරන උපාය මාර්ගයේ තර්කය දැන් අපට පහත පරිදි සාරාංශගත කරගත හැක.(අධිරාජ්‍යයේ පිලිවෙල කඩන ) මෙම ප්‍රාදේශීය හිතුවක්කාරයන් වූ කලී මානුශවාදී ප්‍රමිතීන්ට අනනුකූල දුෂ්ටයෝ වෙති.උන් මුලිනුපුටා දැමිය යුතුය.එලෙස මුලිනුපුටා දමනුයේ මානව වර්ගයේත්,ප්‍රජාතන්ත්‍රවාදයේත්,ඒ ඒ රටවල ජනතාවගේත් යහපත වෙනුවෙනි.ඒ සදහා බලය යෙදවීම හැර විකල්පයක් නැති අතර බලය යෙදවීමේදී හටගන්නා ඝාතන සහ මරන - ඒවා ගැන කනගාටුය.නමුත් වැඩි නපුර නැසීමට යද්දී එවැනි නොවැලැක්විය හැකි අතුරු ආන්තරාවන් හටගත හැකි අතර ඒවා ගැන වැඩිදුර නොසිතිය යුතුය.(පසුගිය දා උද්ගත වූ නේටෝ ගුවන් ප්‍රහාර හේතුකොට ගෙන පකිස්ථානු සොල්දාදුවන් 24 දෙනෙකු මියගොස් තිබූ අතර බැරැක් ඔබාමා ඒ වෙනුවෙන් සිය "කනගාටුව" පකිස්ථාන ජනාධිපතිවරයා වෙත පල කොට සිටියේය)

පශ්චාත් සීතල යුද සමයේ මතුවූ ගෝලීය අධිරාජ්‍යවාදයේ ඉහත සංකල්පගත කිරීම ලංකාවේ මේ වනවිට බලය උසුලන සිංහල ජාතිකවාදී කතිකාවතේ සංකල්පගත කිරීම් සමග සංසන්දනය කිරීම අතිශය රසවත් අභ්‍යාසයකි.බැලූ බැල්මට ලංකාවේ ජාතිකවාදීහු අධිරාජ්‍යවාදයේ පරම සතුරෝ වෙති.හෙරොයින් දුමින්ද සහ බුකී සුමතිපාල සමග එක කැබිනට් මන්ඩලයේ ලැගීම චම්පික රනවක,විමල් වීරවංශ වැනි සිංහල බෞද්ධ ජාතිකවාදීන් සාධාරනීකරනය කරගන්නේත් තමාට එසේ කරන්නට වී තිබෙන්නේ "අධිරාජ්‍ය විරෝධය" නිසා බව දක්වමිනි.

පසුගිය වසර හයක කාලය පුරා සිංහල ජාතිකවාදී කතිකාවත භ්‍රමනය වූයේ දෙමල විරෝධය නම් අක්ෂය වටාය.ආරක්ෂක ලේකම් ගෝඨාභය රාජපක්ෂ 2009 පෙබරවාරි මස බීබීසී සේවය සමග පැවැති සම්මුඛ සාකච්ඡාවකදී කෝපාන්විත හඩින් මෙසේ ගුගුලේය."එක්කෝ ඔබ අප සමග.නැතිනම් ඔබ ත්‍රස්තවාදීන් සමග!"නලින් ද සිල්වාගේ වචනයෙන් කිවහොත් "යුදෙවු / ග්‍රීක / ක්‍රිස්තියානි බටහිරයෙකු" වන ජෝර්ජ් බුෂ්ගේ මුස්පේන්තු හඩ සිංහල/බෞද්ධ/දේශප්‍රේමී ආරක්ෂක ලේකම්වරයාගේ මුවෙන් එලෙස ප්‍රතිනිෂ්පාදනය විය.ඔබාමා රෙජිමය ගඩාෆි පාලනය බටහිර පුරවැසියා අභියස රාක්ෂසකරනය කලේ යම් සේද අධිපති ජාතිකවාදී කතිකාවත විසින් සිංහල  සමාජය ඉදිරියේ එල්ටීටීඊ පාලනය පිලිබද බියකරු පින්තූරයක් ප්‍රක්ෂේපනය කරන ලදී.ගඩාෆි රෙජිමයේ අමනුශ්‍ය සාහසික ක්‍රියාවන් භයානක චිත්‍රය නිර්මානය කරනු වස් බටහිර ජනමාධ්‍ය විසින් අමුද්‍රව්‍ය කරගත්තේ යම් සේද එල්ටීටීඊ සංවිධානයේ ෆැසිස්ට් චර්යාවන් දුෂ්ට හා භයානක උතුරක් පිලිබද රූපය නිර්මානය කරනු වස් යොදාගන්නා ලදී.

එම රූපය ප්‍රකාරව එල්ටීටීඊ පාලනය උතුරේ මහජනයා පෙලයි.එහි ප්‍රජාතන්ත්‍රවාදය නැත.ඔවුහු දෙමල ජනයා ප්‍රාන ඇපයට ගෙන භීෂනකාරී පාලනයක් අනුයති.මේ නිසා කල යුත්තේ කුමක්ද?අන් කිසිවක් නොව බලය යෙදවීමයි.නේටෝ සංවිධානය තමා කොසෝවෝ මත බෝම්බ හෙලීම යුද්ධයක් නොව මානුශවාදී මැදිහත්වීමක් ලෙසට සුජාතකරනය කලේ යම් සේද උතුරේදී සිදුවූයේ යුද්ධයක් නොව සෞන්දර්යාත්මක මානුශික මෙහෙයුමක් බව අපට පවසන ලදී.ජනතාව සද්භාවයෙන් එය ඇදහීය.දෙමල ජනයා එල්ටීටීඊ යෙන් මුදාගැනීම සදහා සිදුකල මානුශික මෙහෙයුමේ අවසාන මාස හතර තුල පමනක් සාමාන්‍ය දෙමල ජනයා 20 000 පමන මියගිය අතර ලක්ෂ හතරකට ආසන්න සංඛ්‍යාවක් අවතැන් වූහ.එවිට  ජාතිකවාදීහු මෙසේ කීහ."කනගාටුයි.බැරෑරුම් ක්‍රියාවලියකදී එවැනි සුලු සුලු වැරදි සිදුවේ"

අල්ලගත් ඉරාකයේ සිතූ සිතූ ලෙස අද බටහිර සමාගම් තෙල් නිධි කනින්නේ යම් සේද මුදාගත් උතුරු නැගෙනහිර අද නිදහසේ ප්‍රාග්ධනය ගලා යයි.ආන්ඩුව එම "මුදාගත්" ප්‍රදේශවල බිස්නස් කිරීම සදහා මුලපුරා තිබේ.මානුශිකව මැදිහත්වී ත්‍රස්තවාදය චප්ප කරන අතරතුර බිස්නස් සදහා අවස්ථාව පාදාගැනීම නම් වූ මන්ත්‍රය විසින් අධිරාජ්‍යවාදයත්  සිංහල ජාතිකවාදයත් අතර උත්සාවාකාරී විවාහයක් ජනිත කොට තිබේ.

39 comments:

  1. එම රූපය ප්‍රකාරව එල්ටීටීඊ පාලනය උතුරේ මහජනයා පෙලයි.එහි ප්‍රජාතන්ත්‍රවාදය නැත.ඔවුහු දෙමල ජනයා ප්‍රාන ඇපයට ගෙන භීෂනකාරී පාලනයක් අනුයති.මේ නිසා කල යුත්තේ කුමක්ද?අන් කිසිවක් නොව බලය යෙදවීමයි.නේටෝ සංවිධානය තමා කොසෝවෝ මත බෝම්බ හෙලීම යුද්ධයක් නොව මානුශවාදී මැදිහත්වීමක් ලෙසට සුජාතකරනය කලේ යම් සේද උතුරේදී සිදුවූයේ යුද්ධයක් නොව සෞන්දර්යාත්මක මානුශික මෙහෙයුමක් බව අපට පවසන ලදී.ජනතාව සද්භාවයෙන් එය ඇදහීය.දෙමල ජනයා එල්ටීටීඊ යෙන් මුදාගැනීම සදහා සිදුකල මානුශික මෙහෙයුමේ අවසාන මාස හතර තුල පමනක් සාමාන්‍ය දෙමල ජනයා 20 000 පමන මියගිය අතර ලක්ෂ හතරකට ආසන්න සංඛ්‍යාවක් අවතැන් වූහ.එවිට ජාතිකවාදීහු මෙසේ කීහ."කනගාටුයි.බැරෑරුම් ක්‍රියාවලියකදී එවැනි සුලු සුලු වැරදි සිදුවේ"

    ------------

    කලින් කිව්ව දෙවලුය් මෙකය් අතර සම්බන්දය මොකක්ද / කලින් එව්වා ජාත්යන්තර මැදිහත්වීම් ... මේක අබ්යන්තර දෙයක් .... වසර 30 දික්ගස්සුනු යුද්දය ඔබට අමතකද ? පිපිරී ගිය බෝම්බ ... මර බිය ... සමුහ ගාතන , මරාගෙන මැරෙන පහරදීම් ? යුද්දය මේ දක්වා තිබ්බ නම් මැරෙන්න / අබදිත වෙන්න තිබ්බ මිනිසුන් ගැන ? සුපුරු පරිදි ඔබේ ජාතිවාදී හෙළුව එලියට පැනලා

    ReplyDelete
  2. කොටි සමඟ යුධ කිරීමට පෙර රජය(ශ්‍රීලනිප මෙන්ම එජාප)කීප විටක් ම ඔවුන් සමඟ සාමගිවිසුම් හා සාම සාකච්චා වලට එළඹි නමුත් ඒ සෑම අවස්ථාවකම ඔවුන් ඒක යාර්ශවිකව ඒවා උල්ලංඝනය කර (කීප විටක්ම) රජය යුද්ධයට ඇද දමන ලදී.මේ යුද්ධය තොරාගන් ලැබුනේ අවසාන විසුම ලෙස වෙත් විකල්පයක් නැති විටකයි.බිල්ලාඩන්,සදාම්හුසේන්,හෝ ගඩාෆි සමඟ කිසිවෙකු සාකච්චාවට පිවිසුණු බවක් අපට නතක නැත.

    ලිපි අංක 1 හි ඡායාරූප අතරට කැබැතිගොල්ලෑව බස් බෝම්බයෙන් හෝ,කෙන්ට්ෆාම් ගම්මාන වලට කළ ප්‍රහාරවලින් හෝ ඝාතනය කරන ලද සිංහල ළදරුවන් ගේ රූප එක් නොවීමෙන් (ඒවා සිතා මතා අමතක කිරීමෙන්) පෙන්වන්නේ රාමා ගේ පක්ෂග්‍රාහී බව මිසක් අන් කිසිවක් නොවේ.

    ReplyDelete
  3. [එම රූපය ප්‍රකාරව එල්ටීටීඊ පාලනය උතුරේ මහජනයා පෙලයි.එහි ප්‍රජාතන්ත්‍රවාදය නැත.ඔවුහු දෙමල ජනයා ප්‍රාන ඇපයට ගෙන භීෂනකාරී පාලනයක් අනුයති.මේ නිසා කල යුත්තේ කුමක්ද?]

    නෑ රාමා, අපි මෙහෙම බලමු.

    "එල්ටීටීඊ පාලනය උතුරේ පමණක් නොව දකුණේ මහජනයා ද පෙලයි. එහි ප්‍රජාතන්ත්‍රවාදය නැත. ඔවුහු ශ්‍රී ලාංකික ජනයා ප්‍රාන ඇපයට ගෙන භීෂනකාරී පාලනයක් අනුයති.මේ නිසා කල යුත්තේ කුමක්ද?"

    රාමා ප්‍රයෝගකාරී සහ වංචා සහගත් විදියට කොටි ප්‍රශ්ණය උතුරේ ප්‍රශ්නයකට ඌණනය කරනවා. නමුත් ප්‍රශ්නය ඊට වෙනස්.

    එල්.ටී.ටී.ඊ. ය වගේ ත්‍රස්තවාදී සංවිධාන කියන්නේ පිළිකා වගේ. පිළිකාව තියෙන්න අරියොත් රෝගියා මැරෙනව. රෝගියා බේරගන්න කීමොතෙරපි දෙන්න වෙනව. එතකොට පිළිකා ශෛල විතරක් නෙවෙයි සාමාන්‍ය ශෛලත් මැරෙනව. හැබැයි ලෙඩේ හොඳ වෙනව. මෙන්න මේ නියමය ත්‍රස්තවාදයටත් අදාලයි.

    ReplyDelete
  4. [ලිපි අංක 1 හි ඡායාරූප අතරට කැබැතිගොල්ලෑව බස් බෝම්බයෙන් හෝ,කෙන්ට්ෆාම් ගම්මාන වලට කළ ප්‍රහාරවලින් හෝ ඝාතනය කරන ලද සිංහල ළදරුවන් ගේ රූප එක් නොවීමෙන් (ඒවා සිතා මතා අමතක කිරීමෙන්) පෙන්වන්නේ රාමා ගේ පක්ෂග්‍රාහී බව මිසක් අන් කිසිවක් නොවේ]

    ඇණේ හරියටම ඔළුවටම ගැහුවා ජයශ්‍රී!

    ReplyDelete
  5. /අල්ලගත් ඉරාකයේ සිතූ සිතූ ලෙස අද බටහිර සමාගම් තෙල් නිධි කනින්නේ යම් සේද මුදාගත් උතුරු නැගෙනහිර අද නිදහසේ ප්‍රාග්ධනය ගලා යයි.ආන්ඩුව එම "මුදාගත්" ප්‍රදේශවල බිස්නස් කිරීම සදහා මුලපුරා තිබේ.මානුශිකව මැදිහත්වී ත්‍රස්තවාදය චප්ප කරන අතරතුර බිස්නස් සදහා අවස්ථාව පාදාගැනීම නම් වූ මන්ත්‍රය විසින් අධිරාජ්‍යවාදයත් සිංහල ජාතිකවාදයත් අතර උත්සාවාකාරී විවාහයක් ජනිත කොට තිබේ./

    ඉතින් හොඳයිනෙ. ඒකෙ ඇති වැරද්ද මොකද්ද?

    ReplyDelete
  6. දැන් ඉතින් අපිත් කනින්නේ "තෙල් නිදි"....!
    ඇත්තටම අපිත් "නිදි"....!!

    ReplyDelete
  7. මේ බ්ලොග් එක ලියපු එකාගේ හැදියාව බලාගන්න ... තමන් අකමැති comment වලට උත්තරයක් වත් දීල නෑ ....උත්තර දීගන්න බැරි උනාම පොස්ට් එක සම්පුර්ණයෙන්ම අමතක කරලා දාලා..... මේ වගේ එවුන්ගේ බ්ලොග් කියවනවට අපිටය් ගහන්න ඕනි

    ReplyDelete
  8. අධිරාජ්‍යවාදයත් සිංහල ජාතකවාදයත් එකට පෑහෙනවානම් බටහිර රටවල් ලංකාවට විරුද්ධව යුධ අපරාධ චෝදනා ගෙන ඒමට ඔච්චර වළි කන්නේ ඇයි. නොර්ාවේ සටන් විරාම දාලා කොටින්ට උදව් කළේ ඇයි? තවමත් උදව් කරන්නේ ඇයි? අධිරාජ්‍යවාදය සිංහල ජාතිකවාදයට එකගනම් ඔවුන්ට කරන්ඩ තිබ්බේ කොටි නැති කරන්ඩ උදව් කරන එකනේ. ඒත් උනේ ඒකෙ අනිත් පැත්ත. ඔවුන් දිගටම ගත්තේ කොටින්ගේ පැත්ත. අදටත් එහෙමයි. ඒ ඇයි?

    චම්පික, විමල් විපක්ෂයට ගියා කියමුකෝ. එතකොට බලයට එන්නේ යුන්පී එක. ඒක මේ ආණ්ඩුවට වඩා අධිරාජ්‍ය විරෝධීද? මීටත් වඩා අධිරාජ්‍ය ගැති නොවේද? එහෙනම් ඔවුන් කියන කතාවේ සාධාරණයක් නැද්ද? මේ ආණ්ඩුව දෙමළ ජාතික සන්ධානයේ බෙදුම්වාදී යෝජනාවලට විරුද්ධයි. ඒක විමල්ලාගේ මතයත් එක්ක පැහෙනවා. නමුත් ඒක ඇමරිකාවේ එංගලන්තයේ අදහස් එක්ක පැහෙන්නේ නෑ.

    ReplyDelete
  9. @ ජය ශ්‍රී - ලිපියේ සාකච්ඡා කරලා තියෙන්නේ අධිරාජ්‍යවාදී රටවල් තමුන්ගේ ආර්ථික අවශ්‍යතා උඩ පොලඹනු ලැබ තමුන්ගේ පිලිවෙලට අකමැති අයවලුන් චප්ප කර දැමීම සදහා භාවිතා කල සංකල්පමය හා භාෂාමය දේශපාලනයේ ස්වභාවය සිංහල ජාතිකවාදයේ සංකල්පමය හා භාෂාමය දේශපාලනය සමග දක්වන සමානතාවය ගැන.යුද්ධයට අදාල පලවෙනි ප්‍රකෝප කිරීමේ ක්‍රියාව කලේ කවුද කියන එක එතනදී එතරම් අදාල නැහැ.සදාම් හුසේන් ගැන එක්සත් ජනපද ආන්ඩුව කියෙන්නෙත් ඔය කියන දෙයට එතරම් වෙනස් දෙයක් නෙමෙයි.කොච්චර එක්සත් ජාතීන්ගේ සංවිධානයේ යෝජනා ඉරාකයට එරෙහිව සම්මත කලත් හුසේන් ජාත්‍යන්තර ආයුද නිරීක්ෂකයන්ට රට ඇතුලට එන්න ඉඩ දුන්නේ නැහැ.මිනිහ හිතුවක්කාරයා.ගහල දාන එක හැර විකල්පයක් නැහැ.තවත් සමානකමක්.නේද?

    @ මිගාර - (සතුටුයි කාලෙකින් පසු අදහස් දක්වන්න එකතු වීම ගැන)

    //එල්.ටී.ටී.ඊ. ය වගේ ත්‍රස්තවාදී සංවිධාන කියන්නේ පිළිකා වගේ. පිළිකාව තියෙන්න අරියොත් රෝගියා මැරෙනව. රෝගියා බේරගන්න කීමොතෙරපි දෙන්න වෙනව. එතකොට පිළිකා ශෛල විතරක් නෙවෙයි සාමාන්‍ය ශෛලත් මැරෙනව. හැබැයි ලෙඩේ හොඳ වෙනව. //

    එක්සත් ජනපදය තලෙයිබාන් සංවිධානය,සදාම් හුසේන්,ගඩාෆි වගේ අය ගැන කියන්නෙත් මේ කතාවම නේද?මියයන අවතැන්‍ වෙන මිනිස්සු කියන්නෙ කීමෝතෙරපි දෙද්දි මැරෙන සෛල.අපි කරන්නේ හොද වැඩක්.කීමෝතෙරපි දුන්නට පස්සෙ ලෙඩේ හොද වුනාද කියන එක වෙනම සාකච්ඡාවක්.මට අනුව නම් අද ආන්ඩුව උතුරේ කරමින් ඉන්නෙ නව පිලිකා රෝග සෛල වගා කරන එක.

    @ දර්ශන -

    //අධිරාජ්‍යවාදයත් සිංහල ජාතකවාදයත් එකට පෑහෙනවානම් බටහිර රටවල් ලංකාවට විරුද්ධව යුධ අපරාධ චෝදනා ගෙන ඒමට ඔච්චර වළි කන්නේ ඇයි//

    ලිපියේ තර්කය ඒක නෙමෙයි.ලංකාවේ ජාතික ප්‍රශ්නයට ජාතිකවාදීන් යෝජනා කරන්නේ ලිබියාවේ හෝ ඉරාකයේ ප්‍රශ්නයට අධිරාජ්‍යවාදීන් යෝජනා කල විසදුමයි.භාෂාව,සංකල්ප,අදහස් සේරම සමානයි.අධිරාජ්‍යවාදය ( ගෝලීය ධනවාදය ) කොටින්ට උදවු කලා නෙමෙයි කොටි සංවිධානය විනාශ වෙන්න ඉඩ හැරල බලාගෙන හිටියා.කොටි සංවිධානය බේරාගන්න ඔවුන්ට ඔබ පරිකල්පනය කරගෙන ඉන්න තරම් උනන්දුවක් තිබුනා නම් කිසිවක් නොකොට ඔවුන් ඉදිනු ඇතැයි ඔබ සිතනවාද?එල්ටීටීඊය විනාශ වෙද්දි තමුන්ව බේරාගන්නා ලෙස කොටි නායකයින් බටහිර නායකයන්ගෙන් ආයාචනා කරද්දි ඔවුන් ඒ අවස්ථාවේ මැදිහත්වුනේ නැහැ.මොකද කොටි සංවිධානයේ විනාශයෙන් පස්සේ හැදෙන රික්තය පුරවන්නේ ගෝලීය ධනවාදය විසින්.අද ඒක වෙලා තියෙනව.මෑත ඉතිහාසයේ වඩාත්ම නව ලිබරල් රෙජිමය තමයි වර්තමාන මහින්ද රෙජිමය."බටහිර ගැති" යූඇන්පිය නොකල බොහෝ දේ "ජාතිකවාදී" මහින්ද අද වෙනකොට කරමින් ඉන්නවා.ඒකෙ වාසිය තියෙන්නෙ ගෝලීය ධනවාදයට.බලය බෙදාගැනී‍මේ විසදුමකට යන්න කියල ගෝලීය ධනවාදය මහින්දට බල කරන්නෙ සිංහල ජාතිකවාදය ගැන තියෙන ඇරියස් එකක් නිසා නෙමෙයි.සිංහල ජාතිකවාදය තමයි ගෝලීය ධනවාදය රටේ ජනයා ඉදිරියේ යුක්තිසහගත කිරීම සදහා භාවිතා වන විශිෂ්ටතම දෘෂ්ටිවාදී තර්කනය.බලය බෙදන්න කියල කියන්නෙ එහෙම නොබෙදුවොත් නැවත බෙදුම්වාදී කැරලි ඇතිවෙන්න පුලුවන් කියල බටහිර දන්න නිසා.ඒක නිදහස් ප්‍රාග්ධන ගලනයට බාධාවක්.ඒ සරල කාර්යය කරනව නම් මහින්ද තරම් බටහිර ප්‍රශංසා ලබන වෙනත් පාලකයෙකු නැති තරම්.අවාසනාවකට මේ ගම්බද වලව්කාරයාට එහෙම බලය බෙදාගැනීමකට අවශ්‍ය කරන දේශපාලන ශික්ෂනය නැහැ.

    ReplyDelete
  10. @දර්ශණ, මිගාර සහ ජය ශ්‍රී වෙත,

    රාමාම කියා ඇති පරිදී ඔහු මේ ලිපිය ඔස්සේ කොට ඇත්තේ ශ්‍රී ලංකාව කොටි ත්‍රස්තවාදයට එරෙහිව කළ සටනේ සහ ඇමරිකාවේ මූලිකත්වයෙන් ඇෆ්ගනිස්තානය, ඉරාකය සහ ලිබියාව වැනි තැන් වල කෙරෙන යුද්ධ අතර ඇති කොස්මටික් ලක්ෂණ කිහිපයක් සමාන කිරීමක් මිසක ඉන් එහාට ගිය ගැඹුරු විශ්ලේෂණයක් නොවේ (කියවන්න රාමා ජය ශ්‍රීට දී ඇති පිළිතුරේ පළමුවෙනි වැකිය). මෙවැනි මතුපිට ලක්ෂණ වල ඇති සමාන අසමාන භාවයන් ඔස්සේ ඉන් ගැඹුරේ ඇති එම ගැ‍ටුම්වලට මූලික වූ හේතු සාධකයන් සහ ඊට මැදිහත්වූ පුද්ගල සාධකයන් අතර සමානකම් සෙවීමට රාමා දරන උත්සාහය ඔහුගේ චම්පික රණවක විරෝධයේ අතුරු ඵලයකට වඩා වැඩි යමක් විය නොහැක.

    හැරත් ලංකාව යුද්ධයට එලඹෙනුයේ රටේ ස්වෛරීභාවය ‍රැක ගැනිමටය යන්න කෙදිනකවත් සැඟවූවා නොවේ. ලංකාව රටක් හැටියට එහිදී 'මානුෂීය මෙහෙයුම' යන බැනරය ඉදිරිපත් කරන්නේ යුද්ධයට බටහිරින් එන විරෝධය 'ඌරාගේ මාළු උගෙ පිටේම තබා කැපීමේ' න්යාය ඔස්සේ සමනය කර ගැනීමට ඉන් ලැබුණු ප්‍රයෝජ්ය වටිනාකම නිසා මිසක එය අපට තිබුණු එකම සටන් පාඨය නිසා නොවේ. නමුත් ඇමරිකාව ප්‍රමුඛ බටහිරට තිබුණු එකම සටන් පාඨය 'මානුශීය මැදිහත්වීම' විය. ඔවුන් එය යොදා ගත්තේ ඔවුන්ගේ සැබෑ අරමුණු වසා ගැනීමට තිබුණු උවමනාවටය. අපට අප සටන් කළේ වෙනත් කරුණුවලට අමතරව රටේ ස්වෛරීභාවය වෙනුවෙන්ය යන්න කිව හැකි උනත් බටහිරට ඔවුන් සටන් කරනුයේ ඔවුන්ගෙ ආර්ථික සහ සංස්කෘතික ආධිපත්ය පවත්වාගැනීමටය යන්න කීම්ට නොහැක. අවාසනාවකට මෙන් රාමාට මේ සියල්ල 'මග හැරී' ඇත.

    - ප්‍රභංග.

    ReplyDelete
  11. //හැරත් ලංකාව යුද්ධයට එලඹෙනුයේ රටේ ස්වෛරීභාවය ‍රැක ගැනිමටය යන්න කෙදිනකවත් සැඟවූවා නොවේ. ලංකාව රටක් හැටියට එහිදී 'මානුෂීය මෙහෙයුම' යන බැනරය ඉදිරිපත් කරන්නේ යුද්ධයට බටහිරින් එන විරෝධය 'ඌරාගේ මාළු උගෙ පිටේම තබා කැපීමේ' න්යාය ඔස්සේ සමනය කර ගැනීමට ඉන් ලැබුණු ප්‍රයෝජ්ය වටිනාකම නිසා මිසක එය අපට තිබුණු එකම සටන් පාඨය නිසා නොවේ.//

    එතකොට ප්‍රභංග උතුරේ කලේ මානුශික මෙහෙයුමක් නෙමෙයිද?ඒක බොරුවට දාගත්ත වචනයක්ද?ස්වර්ණවාහිනියයි දෙරණයි වන්නි සටනයි සේරම කිව්වේ අපිටත් කිව්වෙ මේක එල්ටීටීඊ ත්‍රස්ත ග්‍රහණයෙන් දෙමළ ජනතාව මුදාගන්න කරන මානුෂික මෙහෙයුමක් කියලනෙ.ඒක බටහිර විරෝධය වහන්න දාපු නිකම් බොරු බැනරයක්ද?ඒ බොරුව බටහිරට විතරක් නොකියා අපිටත් කිව්වෙ මොකද?

    - සමන්තභද්‍ර

    ReplyDelete
  12. @ සිරිධම්ම,

    මං කියපු එක ටිකක් අවධානෙන් කියෙව්ව නම් ඔබ ඔහොම ප්‍රශ්ණයක් නොඅසන්න උනත් තිබුණ. 'මානූෂීය මෙහෙයුම' බොරුවක්යැයි මං කීව්වෙ නැහැ. මං කිව්වෙ ඒක අපිට තිබ්බ එකම සටන් පාඨෙ නෙමේ කියල විතරයි. දෙමළ මිනිස්සු කොටින්ගෙන් බේර ගන්න එකත් අපිට තිබ්බ එක උවමනාවක්. ඒ වගේම රටේ ස්වෛරීභාවය ‍රැක ගන්න එකත් අපිට තිබ්බ උවමනාවක්. අපි මානුෂීය මෙහෙයුම කියන එක ඉස්මතු කලේ අපි සටන් කරන්නෙ රටේ ස්වෛරීභාවය කියන එක කටක් ඇරල කියන්න බැරි නිසා නෙමෙයිනෙ. ඒ වෙලාවෙ අපි ඒක උපායමාර්ගිකව ඉදිරියට දැම්මෙ ඒ වෙලාවෙ බටහිරින් එල්ල වෙච්ච බලපෑම සමනය කරන්න ඒකෙන් ලැබුණ ප්‍රයෝජ්ය වටිනාකම නිසා.

    හැබැයි ඇමරිකාව මානුෂීය මැදිහත්වීම කියන එක යොදා ගන්නෙම තමුන්ගෙ තියෙන සැබෑ උවමනාවල් වහ ගන්න. අපිට එහෙම වහගන්න උවමනාවල් තිබුණෙ නැහැ. මේව ටිකක් සාවධානව කියවල තේරුම් ගන්න බලන්න.

    - ප්‍රභංග.

    ReplyDelete
  13. http://www1.kalaya.org/2011/05/blog-post_12.html

    ReplyDelete
  14. This comment has been removed by the author.

    ReplyDelete
  15. [එක්සත් ජනපදය තලෙයිබාන් සංවිධානය,සදාම් හුසේන්,ගඩාෆි වගේ අය ගැන කියන්නෙත් මේ කතාවම නේද?මියයන අවතැන්‍ වෙන මිනිස්සු කියන්නෙ කීමෝතෙරපි දෙද්දි මැරෙන සෛල.අපි කරන්නේ හොද වැඩක්.කීමෝතෙරපි දුන්නට පස්සෙ ලෙඩේ හොද වුනාද කියන එක වෙනම සාකච්ඡාවක්.මට අනුව නම් අද ආන්ඩුව උතුරේ කරමින් ඉන්නෙ නව පිලිකා රෝග සෛල වගා කරන එක.]

    ඔවුන් කියන්නේ මෙ කතාව විය හැකි වුවත් එහි පවතින් අවස්ථා සම්බන්ධය (context) වෙනස් වේ. ශ්‍රී ලංකාව පහර දෙන්නේ ලාංකික භූමිය තුල මිසක වෙනත් රටකට බලෙන් ඇතුළු වී නොවේ. එනමුත් බටහිර බලවතුන් එසේ නොවේ. ඔවුන්ගේ රටවල ත්‍රස්තවාදීන් පොඩි කර දැමීම ගැන අපට ප්‍රකාශ නිකුත් කිරීමේ අයිතියක් නොමැත. ලංකාවේ සිදු වන්නේ පිළිකාව ඇති ලෙඩාට කීමොතෙරපි දීම වුවත් ඇමෙරිකානුන් සිදු කරනුයේ පිළිකාව තමාට වැලඳේය යන බියෙන් අසල සිටින් පිළිකා රෝගියාට බලෙන් කීමොතෙරපි දීමයි.

    ආණ්ඩුව කිසිම අයුරකින් ඔක්කොම පිළිකා සෛල මරා දමා නැත. ආණ්ඩුව සිදු කළේ විනාශකාරීම සෛල බහුතරය විනාශ කර දැමීමයි. (පිළිකාව කියන්නේත් එවැනිම විනාශ කළ නොහැකි දෙයක්). කල යුත්තේ පිළිකාව පැතිරීම අඩු කිරීම. එයට හොඳම විසඳුම ඊනියා ඒක වාර්ගික දෙමළ කැන්වසය බහුවාර්ගික එකක් බවට පත් කිරීමයි.

    ReplyDelete
  16. @ මිගාර

    එක්සත් ජනපදයේ යුද්ධ සිදුවූ සන්දර්භය සහ ලංකාවේ සිවිල් යුද්ධයේ සන්දර්භය දෙකක් බව පැහැදිලියි.ඒක එහෙම නොවන බව කිසිවිටෙක කියා නැහැ.එහෙත් සමාජ ආර්ථික මූලයක් සහිත ප්‍රශ්න සම්බන්ධව මේ දෙගොල්ලන්ගේම ප්‍රවේශයේ තිබුනු සාම්‍යත්වයයි මේ මතුකෙරෙන්නේ.දැන් ඔබේ තර්කය වන්නේ එක්සත් ජනපදය තම රටින් පිට යුද්ධයකට සම්බන්ධ වූ නිසා එය වැරදියි ලංකාවේ ආන්ඩුව රට "තුල" යුද්ධයක් සිදුකල නිසා එහි වරදක් නැහැ වගේ එකක්.

    (කෙනෙක්ට ඕනෙ නම් ඔය තර්කයට වෙන අර්ථකථනයක් දෙන්න පුලුවන්.එක්සත් ජනපදය මානව අයිතිවාසිකම් උල්ලංඝනය කලේ වෙන රටක අයවලුන්ගෙ.නමුත් ලංකාවෙ ආන්ඩුව මැරුවෙ,මානව අයිතිවාසිකම් උල්ලංඝනය කලේ තමුන්ගේම රාජ්‍යයේ පුරවැසියන්ගෙ.එතකොට වැඩිය නරක මොකක්ද?යනුවෙන්.නමුත් මේ දෙකෙන් වඩා හොද මොකක්ද නරක මොකක්ද කියන විවාදයට මම යන්නෙ නැහැ.මට මේ දෙකේම වැඩි වෙනසක් නැහැ)

    එතකොට රාජ්‍යයේ "ස්වෛරීභාවය" වෙනුවෙන් මිනිසුන් මරාදැමීම මානව හිමිකම් පාගාදැමීම වරදක් නැහැ කියන එක නම් තර්කය අපි ඒක මේ විදිහට සලකමු.ලංකාවේ රාජ්‍යය සිංහල කේන්ද්‍රීයයි.ඒක ඔබ පිලිගන්නවාද මම දන්නෙ නැහැ.නමුත් ඇත්ත ඒකයි.මේ රාජ්‍යය සිරා එකක් වෙන්නෙ සිංහලයට මිස දමිලයාට නෙමෙයි.මේ රාජ්‍යයේ පැවැත්ම වෙනුවෙන් මිනීමැරීමත් සිරා වෙන්නෙ එතනදී සිංහලයාට මිස දමිලයාට නෙමෙයි.අධිරාජ්‍යවාදී කතිකාවත තුල "ලෝක සාමය"ට ලැබෙන ස්ථානය තමයි ජාතිකවාදී කතිකාවත තුල "ජාතික ආරක්ෂාවට" ලැබෙන්නේ.Dominate කරන පාර්ශවයට මිස dominate වෙන පාර්ශවයට ඒ ඒ කතිකාවත් තුල තිබෙන මෙම සංකල්ප හෝ වචන සිරා වෙන්නෙ නැහැ.මේ නිසා සිංහල අයට මිනීමැරවෙ ස්වෛරීභාවය හා ජාතික ආරක්ෂාව වෙනුවෙන්ය කියල හිතහදාගන්න ඒක යුක්තිසහගත කරගන්න පුලුවන් උනාට දෙමල අයට ඒක දැනෙන්නෙ වෙන අර්ථයකින්.

    දෙමල වාර්ගික කැන්වසය බහුවාර්ගික කිරීම ගැනත් වචනයක් - ලංකාවේ ජීවත්වෙන සිංහල දමිල සියලු ජනයාට අනාගතයක් තිබෙන්නෙ හුදෙකලා වීම බෙදී වෙන්වීම තුල නෙමෙයි සමගි වීම හා එක්සත් වීම තුලයි කියන එක හරි.ඒ තේරුමින් බහුවාර්ගිකත්වය යනු ප්‍රමෝට් කල යුතු දෙයයි.නමුත් බහුවාර්ගිකත්වය බලහත්කාරයෙන් ගොඩනගන්නට බැහැ.ඒ වගේම අද සිද්ද වෙන්නෙ බහුවාර්ගිකත්වය ලාංකීය අනන්‍යතාවය වගේ වචන වලට මුවාවෙලා සිංහල ආධිපත්‍යය දමිල සමාජය මත පිහිටුවීම.මේ මාර්ගයෙන් කවදාවත් දෙමල සමාජයේ කැමැත්ත එක්සත්භාවය සදහා ලබාගන්න බැහැ.ඉතිහාසයේ අවුරුදු හැටගානකට අපිට වැරදුනේ එතන.එනම් එක්සත්භාවය බලහත්කාරයෙන් කෘතිමව ගොඩනගන්නට යාම.ප්‍රජාතන්ත්‍රවාදය වෙනුවට බලහත්කාරය යොදාගැනීම අවසානයේ නැවත හේතුවෙන්නේ දෙමල සමාජය තුල බෙදුම්වාදී මනෝභාවයන් ශක්තිමත් කිරීමට.අනෙකා අප කෙරෙහි මිත්‍රශීලි වනුයේ අප ඔහුගේ අනන්‍යතාවය පිලිගැනීමට සූදානම් වන ප්‍රමානය මත.ඒ වගේම අනන්‍යතාවය පිලිගැනීම ප්‍රතික්ෂේප කරන තරමට,වෙනත් අනන්‍යතාවයක් ඔහු මත බලහත්කාරයෙන් පැටවීමට වෑයම් කරන තරමට අනෙකාගේ ප්‍රතිචාරයත් සතුරු සහ වෛරීසහගත එකක් වෙනවා.මේ දේශපාලන ඇත්ත අපට තවමත් හමුවුනු බව්ක් පෙනෙන්නට නැහැ

    ReplyDelete
  17. "එක්සත් ජනපදයේ යුද්ධ සිදුවූ සන්දර්භය සහ ලංකාවේ සිවිල් යුද්ධයේ සන්දර්භය දෙකක් බව පැහැදිලියි.ඒක එහෙම නොවන බව කිසිවිටෙක කියා නැහැ.එහෙත් සමාජ ආර්ථික මූලයක් සහිත ප්‍රශ්න සම්බන්ධව මේ දෙගොල්ලන්ගේම ප්‍රවේශයේ තිබුනු සාම්‍යත්වයයි මේ මතුකෙරෙන්නේ."

    විවිධ පුද්ගලයන් විවිධ හේතු මත ජනෙල් රෙදි භාවිතා කරයි. ඇතැමුන් ඒවා ගෙවල් තුළ වන දෑ පිටට පෙනීම වැළැක්වීමට භාවිතා කරන අතර තව සමහරෙක් ජනෙල් තිර යොදා ගන්නේ පිටත වන දෑ ඇතුළට නොපෙනීමටයි. ඇවැසි නම් යමෙකුට *පෞද්ගලිකත්ව මූලයක් සහිත මේ ප්‍රවේශයන් දෙකේ ඇති සාම්යත්වය* වුවද මතු කළ හැක. එහෙත් ගැටළුව ඇත්තේ එවන් කොස්මටික් සමානකම් තුළින් ඉන් ගැඹුරේ ඇති හේතු මූළයන් ගැන විවරණයක් නොලැබීමෙහිය.

    ඉතාමත් පැහැදිළිව රාමා මේ කිරීමට උත්සාහා කරන්නේ දෙකේ පංතියේ උපක්‍රමයකි. ඇමැරිකාව මැදපෙරදිග කරන මැදිහත්වීම සම්බන්ධව කා තුළත් ඇත්තේ පොදු විරෝධයක් බව රාමා දනී. ඉදින් ඔහු මේ වදෙන් පොරෙන් උත්සාහා කරන්නේ එම පොදු විරෝධය කෙසේ හෝ ලංකාන්ඩුව දක්වාම ව්යාප්ත කර ගැනීමටයි. ඒ සඳහා ඔහු කරනුයේ මැදපෙරදිග ඇමරිකානු මැදිහත්වීමේ සහ උතුරේ සිදුවුණු හමුදාමය මැදිහත්වීමේ කොස්මටික් ලක්ෂණ කිහිපයක් ගළපවා ගැනීමයි. මෙහි වඩාතම හාස්ය දනවන කරුණ නම් මේ ගැ‍ටුමේ දෙකේ සන්දර්භයන් වෙනස් බව රාමාම කියා සිටීමයි. සන්දර්භයන් වෙනස් වූ පසු ප්‍රවේශයන්ගේ ඇති සමාන අසමානකම් සොයන්නේ අහවල් දෙයකටදැයි රාමා නොකියයි.

    රාමා කෙසේ සිතා සිටියත් අප ඔය පංතිය පාස් කර බොහෝ කල් බව පමණක් සඳහන් කිරීම ප්‍රමාණවත්යැයි සිතමි.

    - ප්‍රභංග.

    ReplyDelete
  18. එක කඩතොළුවක් වසා ගන්න ගිහින් කඩතොළු දෙකක් හදා ගත් දුරාවේ ආචාරියා ගැන රාමා අසා ඇතැයි සිතමි. ඇමරිකානු මැදිහත්වීමේ සහ උතුරේ කෙරුණු ත්‍රස්තවාදයට එරෙහි සටනේ සාම්යයන් හෙවීමට ගොස් හදා ගත් කඩතොළුව වසා ගැනීමට ගොස් රාමාද කරගෙන ඇත්තේ තව තවත් කඩතොලු හදා ගැනීමයි.

    කියවන්න: "ඒ වගේම අද සිද්ද වෙන්නෙ බහුවාර්ගිකත්වය ලාංකීය අනන්‍යතාවය වගේ වචන වලට මුවාවෙලා සිංහල ආධිපත්‍යය දමිල සමාජය මත පිහිටුවීම."

    අද උතුරේ සිද්ද වන්නේ සිංහළ ආධිපත්්‍යයක් දෙමළ සමාජය මත පිහි‍ටුවීම නොව දෙමළ ආධිපත්ය විසින් උතුරෙන් පළවාහැර තිබුණු සිංහළ අනන්යතාවය එහි නැවත තහවුරුවීමයි. දෙමළ ත්‍රස්තවාදය විසින් බලත්කාරයෙන් මර්ධනය කරන ලද බහුවාර්ගිකත්වය එහි නැවත තහවුරුවීමයි.

    හැරත් රාමා අවංකවම බහුවාර්ගිකත්වය අගයන්නේ නම් 'සිංහළාන්ඩුවේ' ඔය කියන බලහත්කාරයට එරෙහිවන අතරම දෙමළ සමාජයට බහුවාර්ගිකත්වයේ වටිනාකම අවබෝධකරදීමට දැනුවත් මැදිහත්වීමක් කල නොහැකිද? නිදසුනක් ලෙස තේසවලාමේ නීතිය වැනි විකාරයන්ගෙන් ජාතීන් අතර අණුකලණයට වන බාධාව දෙමළ සමාජයට තේරුම් කළ නොහැකිද? බහුවාර්ගිකත්වයට එරෙහි එවන් නීතීන් ඉවත් කරන ලෙස රජයට බල කල හැකි නොවේද? එහෙත් මේ බහුවාර්ගිකත්වය අගයන රාමා ඒ කිසිවක් කරන බවක් නම් නොපෙනේ. ඒ වෙනුවට ඔහු බලා සිටින්නේ දෙමළ සමාජය ඉබේම බහුවාර්ගිකත්වයේ රස තේරුම් ගන්නා තෙක් විය යුතුය.

    ලංකාන්ඩුවේ සිංහළ කේන්ද්‍රීයත්වයක් ගැනද රාමා විස්සෝප වී ඇත. පෙර පැවති වර්ණබේදවාදී දකුණු අප්‍රිකානු ආන්ඩුව වැනි කිහිපයක් හැර ලොව අනෙක් හැම රටකම ඇති ආන්ඩු යම් බහුතර ජනවර්ගයක් වටා කේන්ද්‍ර වී ඇත්තේ යම් සේද, ලංකාන්ඩුවද එසේම සිංහළ කේන්ද්‍රීය වීමේ ගැටළුවක් මට නම් නොපෙනෙයි. Dominate කරන පාර්ශවයට මිස dominate වෙන පාර්ශවයට අදාළ කතිකාවත තුළ ඇති අදාළ සංකල්ප සිරා නොවීමක් ගැනද ඔවුනට එය වෙනත් අර්තයකින් දැනීමක් ගැනද ඔහු හඬා වැටෙයි. එහෙත් කණගා‍ටුවකට මෙන් මෙය ලෝක ස්වභාවය බව රාමාට නොවැටහෙයි. සරළවම පැහැදිළි කරන්නේ නම් නිර්ධන පංති අඥාදායකත්වය වෙනුවෙන් විප්ලවවාදීන් විසින් ප්‍රතිවිප්ලවවාදීන් ඇතුළු ධනේශ්වරය මර්ධනය කරන විට සිද්ද වන්නේත් ඔය දේම නොවේද. නිර්ධන පංතියට තමුන් ඒ දේ කරන්නෙ පංති රහිත සමාජයක් වෙනුවෙන් කියල හිත හදා ගත හැකි වුවද ධනේශ්වරයට එය දැනෙන්නේ වෙනස් විදිහකට නොවේද? Dominate වෙන පාර්ශවයට එය වෙනස් ලෙසකට දැනෙනවාය කියා පංති රහිත සමාජයක් වෙනුවෙන් අරගල කළ යුතු නැතැයි රාමා එහිදීද අනුදක්වයිද?

    - ප්‍රභංග.

    ReplyDelete
  19. ජ. වි. පෙ ජාතිවාදී මතවාදය දකුණේ ස්ථාපිත කරා. ඇයි ඒ ගැන වචනයක් වත් නොකියන්නේ. විමල්ගෙ එකවුන්ට් එකට දාලා අත හෝදා ගත්තගම හරිද? අමු සොහොනක කිරුළු දරා පලක් වෙද බොලව්.....

    ReplyDelete
  20. අවසාන ත්‍රස්තවාදියා දක්වා ඝාතනය කරනු කිව්වේ අපි ද? ලසිත් ඇතුළු නව වාම බබාල ද? කැළණි පන්සලට ගිහිල්ලා වැදලා එන්න....

    http://vikalpa.org/?p=8590

    "එයාලා පහුගිය කාලේ දැන් තිබෙන ආදරය තිබුනානනම් අපිට අපේ නෑදෑයෝ, යාලුවෝ කවුරුවත් නැති වෙන්නේ නෑ.
    එයාල තමයි මේ යුද්ධයට දකුණේ ආණ්ඩුවට උදව් කරේ.
    අපිට ඒවා අමතක නෑ.
    අමතක කරන්නත් බෑ’’ - දෙමළෙක්

    ReplyDelete
  21. @ ප්‍රභංග -

    (අදහස් දැක්වීම් වලට ස්තුතියි)

    කොස්මෙටික් සමානකම ගැන - උතුර සම්බන්ධව ලංකා රජය අනුගමනය කල ප්‍රවේශය සහ එක්සත් ජනපදය ගෝලීය පිලිවෙල කඩන රටවල් සම්බන්ධව දැක්වූ ප්‍රවේශය අතර පවතින සමානත්වය ( එනම් සමාජ ආර්ථික මූලයක් තිබෙන ගැටලුවකට ඒකපාර්ශවික අධිපතිවාදී බලය යෙදවීමක් හරහා මැදිහත්වීම ) ඔබට හුදෙක් "කොස්මෙටික්" සමානකමක් පමනක් නම් එසේ සිතාගැනීමට තිබෙන අයිතිය ගැන මට ගැටලුවක් නැත.පසුගාමී රටක ජාතිකවාදයයි ගෝලීය අධිරාජ්‍යවාදයයි කියන්නෙ සන්දර්භ දෙකක් නෙමෙයි කියල කියන තරමට මම අඥාන නැහැ.මේ දෙකම එකක් නම් එකකට සිංහල ජාතිකවාදය කියල අනෙකට අධිරාජ්‍යවාදය කියල වෙනස් නමක් දැමීමේ තේරුමක් නැහැ නේද?තර්කය ඒක නෙමෙයි.මේ ප්‍රපංච දෙක තම විශ්වයේ පිලිවෙලට එරෙහි අයවලුන් සම්බන්ධව යොදාගෙන තිබෙන ප්‍රවේශයන්ගේ සමානත්වය සහ එතනදී ජාතිකවාදය ජාතික ප්‍රශ්නය සම්බන්ධව ඉදිරිපත් කරන විසදුම අධිරාජ්‍යවාදීන් ලෝක ත්‍රස්තවාදය කියල ඔවුන් කියන දෙය සම්බන්ධව ඉදිරිපත් කරන විසදුම හා සමාන වී තිබෙන අයුරු තමයි තර්කය.ඒ සමානකම ඔබට සරල නොවැදගත් සමානකමක් වුනාට මට ඒක බොහොම සිත්ගන්නා සුලු සමානකමක්.ස්ටාලින් දේශපාලන විරුද්ධවාදීන් ගැන අනුගමනය කල ප්‍රතිපත්තියෙයි හිට්ලර් යුදෙව්වන් සම්බන්ධව අනුගමනය කල ප්‍රතිපත්තියෙයි සමානතාවය ගැන අනන්ත අප්‍රමාන ලියැවී තිබෙනවා.එලෙස ලියන කිසිවෙක් ස්ටාලින්වාදය සර්වසමයි නාසිවාදය කියල කියන්නෙ නැහැ නේද?

    //අද උතුරේ සිද්ද වන්නේ සිංහළ ආධිපත්්‍යයක් දෙමළ සමාජය මත පිහි‍ටුවීම නොව දෙමළ ආධිපත්ය විසින් උතුරෙන් පළවාහැර තිබුණු සිංහළ අනන්යතාවය එහි නැවත තහවුරුවීමයි. දෙමළ ත්‍රස්තවාදය විසින් බලත්කාරයෙන් මර්ධනය කරන ලද බහුවාර්ගිකත්වය එහි නැවත තහවුරුවීමයි. //

    උතුරේ පවතින්නේ මිලිටරි පාලනයක්.මේ බව රජය පත්කල උගත් පාඩම් කොමිෂන් සභා වාර්තාවෙන් පවා පිලිගෙන තිබුනා.දකුන භුක්ති විදින සාපේක්ෂ ප්‍රජාතන්ත්‍රවාදය හෝ උතුරේ නැහැ.ලංකාවේ හමුදාව යනු සිංහල හමුදාවක්.බහුවාර්ගිකත්වය ගොඩනැගීම කියන්නෙ එක් වර්ගයක රාජ්‍යයක් එහි හමුදාව සහ බලහත්කාරය යොදාගෙන අනෙත් ජනවර්ගයක අනන්‍යතාවය බලෙන් පාගාදමමින් තමන්ගේ අනන්‍යතාවය කෘතිමව පැටවීම නෙමෙයි.දෙමල ත්‍රස්තවාදය ඉතිහාසයේදී සිංහල අනන්‍යතාවයට එරෙහිව බලහත්කාරය යොදාගත් අතර අද රාජ්‍ය ත්‍රස්තවාදය විසින් එහි විලෝමය සිදුකරමින් ඉන්නවා.මේ දෙකම වැරදියි.

    ReplyDelete
  22. //ලංකාන්ඩුවේ සිංහළ කේන්ද්‍රීයත්වයක් ගැනද රාමා විස්සෝප වී ඇත. පෙර පැවති වර්ණබේදවාදී දකුණු අප්‍රිකානු ආන්ඩුව වැනි කිහිපයක් හැර ලොව අනෙක් හැම රටකම ඇති ආන්ඩු යම් බහුතර ජනවර්ගයක් වටා කේන්ද්‍ර වී ඇත්තේ යම් සේද, ලංකාන්ඩුවද එසේම සිංහළ කේන්ද්‍රීය වීමේ ගැටළුවක් මට නම් නොපෙනෙයි.//

    එය ඔබට ගැටලුවක් නොවන්නේ ඔබ සිංහලයෙක් වීම නිසාය.ලංකාවේදී තත්වය සරලව මෙසේය.දකුන ලෙස අප හදුන්වන ප්‍රදේශ වල සමස්තයක් ලෙස ජනගහනයේ බහුතරය සිංහලය.උතුර ලෙස අප හදුන්වන ප්‍රදේශයේ ( සහ නැගෙනහිර ඇතැම් ප්‍රදේශවල - ජනපදකරන ව්‍යාපාරයට පෙර මුලු නැගෙනහිරම) බහුතර ජනගහනය දෙමලය.මෙම දෙමල ජනගහනය මුලු දිවයිනේම ජනගහනයේ ප්‍රතිශතයක් ලෙස ගත්කල සුලුතරයකි.ඔබ ලොව ඕනෑම රටක් යනුවෙන් ගත් නිසා මටත් ලොව ඕනෑම රටක් ගෙන මීට සමාන තත්ව පැහැදීමට අවසර තිබේ යැයි සිතමි.කැනඩාවේ සෙසු සියලු ප්‍රාන්තවල බහුතර ජනයා ඉංග්‍රීසි වහරන අතර ක්වෙබෙක්හි ජනයා ප්‍රංශ බස වහරති.ඉන්දියාවේදී බහුතරය හින්දි වහරන අතර තමිල්නාඩුවේ ජනයා දෙමලද,කේරලයේ ජනයා මලයාලම්ද ආදි ලෙස විවිධ ප්‍රාදේශීය භාෂා වහරති.ඒ ඒ ප්‍රදේශවල ඒ ඒ වර්ගයන්ට අදාල අනන්‍ය සංස්කෘතියක් ගොඩනැගී තිබේ.දැන් කැනේඩියානු රාජ්‍යය ක්වෙබෙක් ප්‍රාන්තය තමා සමග තබාගන්නේ කෙසේද?ක්වෙබෙක් වෙත කඩාවැදී එහි ඉංග්‍රීසි ජනපද බලහත්කාරයෙන් ඉදිකිරීමෙන්ද?ක්වෙබෙක් ජනයාගේ ප්‍රශ්න ගැන කතාකරන දේශපාලන ක්‍රියාකාරීන් අතුරුදහන් කිරීමෙන්ද?ඉන්දීය රජය තමිල්නාඩුව හෝ කේරලය තමා සමග තබාගන්නේ කෙසේද?තමිල්නාඩුවට කඩා වැදී හින්දි භාෂාවෙන් ලියූ බෝඩ් සවි කිරීමෙන්ද?කේරලය බහුවාර්ගිකකරනය කිරීමට යැයි කියා හින්දි වහරන ජනයා තොග පිටින් ගෙනගොස් හමුදා ආරක්ෂාව යටතේ ඔවුන් එහි පදිංචි කිරීමෙන්ද?ජනවාර්ගික විවිධත්වයක් තිබෙන සහ ලංකාවේ/කැනඩාවේ/ඉන්දියාවේ වගේ එම විවිධත්වය ප්‍රාදේශීය ස්වභාවයක් උසුලන රටවල එම විවිධත්වය ගැටුමක් රහිතව පවත්වාගත හැක්කේ/එසේ පවත්වාගෙන තිබෙන්නේ ඒ ඒ ප්‍රජාවන්ගේ ස්වයංපාලන අයිතිය පිලිගැනීමෙනි!එසේ කිරීමෙන් පමනි!එනම් එම ප්‍රදේශයේ ජනයාට එම ප්‍රදේශයේ කටයුතු සම්බන්ධයෙන් තීරන ගැනීමේ වැඩි අයිතියක් ලබාදීම මගිනි.ස්වයංපාලන අයිතිය පිලිගැනීමත් සමග බහුතර ජනවර්ගයේ ආධිපත්‍යය ( බහුතරවාදය) ස්වභාවිකවම යම් පාලනයකට යටත් වේ.එලෙස ස්වයංපාලනය පිලිනොගෙන බහුතර ජනවර්ගයේ ආධිපත්‍යය දෘඩව පවත්වාගනිමින් සාර්ථක ලෙස වාර්ගික විවිධත්වයක් තිබෙන රටක පාලනය පවත්වාගෙන යන අවස්ථාවක් තිබේ නම් එය පෙන්වා දෙන ලෙස ඉල්ලා සිටිමි.මා දන්නා තරමින් එලෙස සාපේක්ෂ සාර්ථකත්වයක් පෙන්වා ඇති සෑම රටක්ම බහුතරවාදය සීමා කල/ස්වයංපාලනය පිලිගන්නාවූ රාජ්‍යයන් වෙති.කැනඩාවේ මධ්‍යම ආන්ඩුවේ බහුතර මන්ත්‍රී සංඛ්‍යාව වහරන්නේ ඉංග්‍රීසි විය හැකි වුවත් එය ක්වෙබෙක් ජනයාට අහිතකර ලෙස බලනොපාන්නේ තම ප්‍රදේශයේ ජීවිතය සම්බන්ධව තීරන ගැනීමේ වැඩි නිදහසක් ඔවුන්ට තිබෙන නිසාය.තමිල්නාඩුවේත් කේරලයේත් එය එසේය.ප්‍රධාන රාජ්‍යයෙන් නොකැඩී ප්‍රධාන රාජ්‍යය සමග ජීවත්වීමට ඒ ඒ ප්‍රජාවන් එකග වෙන්නේ මෙලෙස තම අනන්‍යතාවය පිලිබද ඔවුන්ට සුරක්ෂා සහගත හැගීමක් ලබාදීමට ප්‍රධාන රාජ්‍යය සමත්වන ප්‍රමානය මතය.එසේ නොකොට බලය යොදවන තරමට සිදුවනුයේ ඔවුන් ප්‍රධාන රාජ්‍යය සමග එක්වීම නොව වෙන්වීමට උත්සාහ කිරීමයි.මොන තරම් මානුශික මෙහෙයුම් සිදුකලත් මෙරට උතුරුකරුයේ දෙමල ජනතාව දෙමල ජාතික සන්ධානයට ඡන්දය දෙන්නේ ඇයිදැයි කල්පනා කර බලන්න.බලය යොදා ජනයා දිනාගැනීමේ ඔබේ විසදුම සාර්ථක වී නැති බවට එයම කදිම සාක්ෂියකි.

    ReplyDelete
  23. @ රාමා,

    (ප්‍රතිචාරවලට තුති).

    "පසුගාමී රටක ජාතිකවාදයයි ගෝලීය අධිරාජ්‍යවාදයයි කියන්නෙ සන්දර්භ දෙකක් නෙමෙයි කියල කියන තරමට මම අඥාන නැහැ.මේ දෙකම එකක් නම් එකකට සිංහල ජාතිකවාදය කියල අනෙකට අධිරාජ්‍යවාදය කියල වෙනස් නමක් දැමීමේ තේරුමක් නැහැ නේද?"

    මෙය මා නොනැගූ තර්කයකි, නො-ඇසූ පැනයකි. ඔබ එවැනි කරුණුවලටද සීමාවෙන් පිටට පැමිණ පිළිතුරු දෙන්නේ ඇයිදැයි යන්න ගැටළුවකි. කරුණාකර මා නැගූ ප්‍රශ්ණවලට පමණක් පිළිතුරු දෙන්න. සිතින් මවාගත් පඹයන්ට (strawmanලාට) පහරදීමට යාමෙන් වෙන්නේ ඔබේත් මගේත් කාලය නාස්ති වීම පමණකි.

    ස්ටාලින්ගේ සහ හිට්ලර්ගේ ප්‍රවේශයන්ගේ ඇති සමානකම් ගැන පමණක් නොව ලින්කන්ගේ සහ කෙනඩි සමාන කම් ගැනද පොත් නම් ලියවී තිබෙන්නට පුළුවන. නමුත් ඔබේම වචන වලින් කියන්නේ නම් ඒවා ලියැවී ඇත්තේ එවන් "සිත් ගන්නාසුළු සමානකම්" පෙන්වීමට මිසක ඉන් ගැඹුරට දිවෙන සීරියස් ශාස්ත්‍රීය අධ්‍යනයකට එලඹුමක් ලෙස විය නොහැක. ස්ටාලින් විසින් හිට්ලර්ගේ උරුමයන් ‍රැකුණු සැටි සාධනයට හුදු "සිත්ගන්නා සුළු සමානකම්" (පමණක්) ප්‍රමාණවත් නැත.

    උතුරේ තවම පවතින්නේ අර්ධ මිලිටරි පාලනයක් බවත් සිවිල් පාලනය තවම එහි සම්පූර්ණයෙන් ක්‍රියාත්මක නොවන බවත් දැන ගැනීමට LLRC වාර්තාව උපුටා දැක්වීමේ අවශ්‍යතාවයක් නොමැත. තමුන්ගේම වූ පරිපාලනයක්, අධිඅකරණ පද්ධතියක්, පොලිසි, ගුවන් නාවුක හමුදාවල්, මරාගෙන මැරෙන අනුකණ්ඩ සහිත ෆැසිස්ට් කල්ලියක් යටතේ අවුරුදු 34ක කාලයක් පුරා අඩු වැඩි වශයෙන් පාලනය වුණු එම ප්‍රදේශ රජයේ පාලනයට පැමිණ තවම ගතවී ඇත්තේ අවුරුදු තුනකට නො-අඩු කාලයකි. වළදැමූ ආයුධ තවමත් ගොඩ ගැනෙමින් තිබෙන අතර අටවන ලද පුද්ගල නාෂක බෝම්බ සහ මර උගුල් තවමත් නිශ්ක්‍රීය කෙරෙමින් පවතී. එපමණක් නොව, ජාත්යන්තරය පුරා පැතිරුණු කොටි කල්ලිද ඔවුන්ගේ සුදු සහායක බළ ඇණිද ශ්‍රී ලංකාවට එරෙහි යුද්ධය තාමත් නවත්වා නැත (මරාගෙන මැරෙන්නට පුහුණු කල කාඩරයකු ලවා වලදා ඇති බෝම්බ කට්ටලයක් පුපුරුවා ගැනීමට මේ බලවේග වලට අද වුවද සැළකිය යුතු හැකියාවක් නැතිව නම් නොවේ). ඇත්ත වශයෙන්ම මෙම තත්ත්වය පැවතුනේ වෙනත් රටක නම් ඇතැම්විට 'යුද්ධය' තවමත් අවසන් වී නැතැයි සැළකීමට වුවද ඉඩ තිබිණි. එබැවින් පවතින තත්ත්වය හමුවේ උතුරේ මිලිටරි පාලනයක් පමණක් පැවතීම ගැන අප ඇත්තවශයෙන්ම සතු‍ටු විය යුතුය.

    ලංකාන්ඩුවේ සිංහළ කේන්ද්‍රීයත්වය සම්බන්ධව:

    ඔබ මේ සම්බන්ධව මා නැගූ තර්කයට පිළිතුරු ලෙස කැනඩාවේ ක්විබෙක් ප්‍රාන්තයේ ප්‍රංෂ පරිපාලන භාෂාව වීම ගැනත් තමිල්නාඩුවේ දෙමළෙන් වැඩකිරීමට හැකි වීම ගැන දීර්ග ලෙස කරුණු දක්වා ඇත. මේවාට අත්දු‍ටු ප්ර්ති-තර්ක ඇතත් මා නැවතත් ඒවා පුනරුච්චාරණය කරන්නට නොයන්නේ ඔබේ අදාළ පිළිතුරු මා නැගූ පැනයට/ තර්කයට පිළිතුරක් නොවන බැවිනි. ඔබ පිළිතුරු දිය යුතු ප්‍රශ්ණය නම් කැනඩාවේ ආන්ඩුව සුදු (ඇංග්ලො සැක්සන්) ක්‍රිස්තියානි කේන්ද්‍රීය එකක් නොවේද යන්නත් ඉන්දියාවේ ආන්ඩුව හින්දු කේන්ද්‍රීය එකක් නොවේද යන්නත්ය. ක්විබෙක් ප්‍රාන්තයේ හෝ තමිල්නාඩුවේ පරිපාලන භාශාවේ මීට අදාළත්වයක් නැත.

    මීට අමතරව ඔබ ශ්‍රී ලංකා හමුදාව සිංහළ හමුදාවකැයි කියා මීට නොදෙවෙනි කතාවක්ද කියා තිබුණි. මා එයට වෙනම පිළිතුරු දෙන්නට නොයන්නේ ලංකාන්ඩුවේ සිංහළ කේන්ද්‍රීයත්වය සම්බන්ධව මා නගන තර්කය ඊටද ඒ ආකාරයෙනම අදාළ කරගත හැකි බැවිනි.

    - ප්‍රභංග.

    ReplyDelete
  24. @ ප්‍රභංග

    ජාතිකවාදය සහ අධිරාජ්‍යවාදය අනුදත් ප්‍රවේශයන්හි සාම්‍යත්වය විස්තර කිරීමේදී අතිශයෝක්තිමය භාෂාවක් යොදාගෙන තිබේ යැයි ඔබ ගෙනෙන විවේචනය එක්තරා දුරකට පිලිගනිමි.විවේචනයට ස්තුතියි.කෙසේවෙතත් සමාජ ආර්ථික ප්‍රශ්නයකට ජාතිකවාදීන් යෝජනා කල විසදුම අධිරාජ්‍යවාදීන් යෝජනා කල විසදුමම වේ යන තර්කයේ කිසිදු ‍වරදක් මම නොදකිමි.

    උතුරේ මිලිටරිකරනය ගැන - උතුරේ බලහත්කාරී පාලනයක් පවත්වාගැනීමට සිදුව තිබෙන්නේ ඔය කියන කිසිවක් නිසා නොවේ. ( ඔබේ තර්කය අනුව කිසිදිනෙක රජයට උතුරේ සාමාන්‍ය පරිපාලනය ස්ථාපිත කල නොහැක.මන්ද "ජාත්‍යන්තර කොටි කල්ලි" හා "ඔවුන්ගේ සහයක බල ඇනි" පරාජය කිරීම ලංකා රජයට කිසිදාක සිදුකල නොහැක්කක් වන බැවිනි)බලහත්කාරය අවශ්‍ය වෙන්නේ උතුරේ ජනතාවට දකුනේ ආන්ඩුව ගැන විශ්වාසයක් නැති නිසාය.එසේ විශ්වාසයක් නොමැත්තේ දකුනේ ආන්ඩුවේ සිංහල කේන්ද්‍රීයභාවය නිසාය.

    කැනඩාවේ ඉන්දියාවේ රාජ්‍යයන් එක් වර්ගයක් වටා කේන්ද්‍රගත වී තිබේද?-

    මේවා එක් ජනවර්ගයකට කේන්ද්‍ර වූ රාජ්‍යයන් නෙමෙයි.මෙම ප්‍රශ්නයට මා දුන් පිලිතුර ඔබ එක්කෝ අවබෝධ කොටගෙන නැත.නැතිනම් සිතාමතා එය අවබෝධ නොවූ බව පෙන්වීමට උත්සාහ කරයි.මා කතාකලේ ක්වෙබෙක්වල ප්‍රංශ භාෂාවෙන් වැඩකිරීම ගැනවත් තමිල්නාඩුවේ දෙමල පරිපාලන භාෂාව වීම ගැනවත් නොව "ස්වයංපාලනය" ගැනයි.ස්වයංපාලනයක් පවතින තැනදී මධ්‍ය ආන්ඩුවක් සහ ප්‍රාදේශීය ආන්ඩුවක් යනුවෙන් ආන්ඩු බලයේ තල දෙකක් තිබේ.ඉන්දියාවේ ආන්ඩුව යැයි ඔබ කියද්දී ඔබ අදහස් කරන්නේ කවර ආන්ඩුවද?උදාහරනයක් විදිහට තමිල්නාඩුවේ වැසියාට "ආන්ඩුව" කීවාම එතන අර්ථ දෙකක් තිබෙනවා.ඒ මධ්‍යම ආන්ඩුව සහ ප්‍රාන්ත ආන්ඩුව යනුවෙන්.එතනදී මධ්‍ය ආන්ඩුව හින්දි බහුතරයේ බලපෑමට යටත් වූවා විය හැකි වූවත් ප්‍රාන්ත ආන්ඩුව භුක්ති විදින ස්වයංපාලන තත්වය නිසා ඒක ප්‍රාන්තයේ වැසියාට අගතිගාමී විදිහට බලපාන්නෙ නැහැ.අවසන් විග්‍රහයේදී ඉන්දියාවේ හෝ කැනඩාවේ රාජ්‍යය එක් ජනවර්ගයක රාජ්‍යයක් නොවී බහුවාර්ගික රාජ්‍යයන් වෙන්නේ මේ නිසා.

    බහුතරවාදය පාලනය කරන්න තියෙන ඉතාම සාර්ථක ක්‍රමවේදය තමයි කලාපීය ස්වයංපාලනය.ලංකාවේ ඒක කරනවා තියා හිතලාවත් නැහැ.නමුත් කැනඩාව/ඉන්දියාව - සමස්තයක් විදිහට සාර්ථකව වාර්ගික විවිධත්වය කලමනාකරනය කරගෙන ඉන්න සෑම රටක්ම පාහේ - මෙම ක්‍රමවේදය යොදාගනිමිනුයි එය සිදුකොට තිබෙන්නේ.

    //මීට අමතරව ඔබ ශ්‍රී ලංකා හමුදාව සිංහළ හමුදාවකැයි කියා මීට නොදෙවෙනි කතාවක්ද කියා තිබුණි//

    ශ්‍රී ලංකා හමුදාවක් කියා එකක් තිබෙන්නේ යුද හමුදා පනතේ සහ එවැන්නක් තිබේ යැයි සිතීමට කැමති අයවලුන්ගේ ඔලු‍වේ පමනි.මහපොලොවේ තිබෙන්නේ සිංහල හමුදාවකි.දෙමල භාෂාවෙන් අන දෙන එක ප්ලැටූනයක්වත් ඉතිහාසයේ එහි තිබී ඇත්නම් මෙය ලාංකීය හමුදාවකි යන ඔබගේ ප්‍රකාශයේ සලකා බැලීමට දෙයක් වත් තිබිය හැකිව තිබුනි.

    ReplyDelete
  25. @ rama

    [කෙනෙක්ට ඕනෙ නම් ඔය තර්කයට වෙන අර්ථකථනයක් දෙන්න පුලුවන්.එක්සත් ජනපදය මානව අයිතිවාසිකම් උල්ලංඝනය කලේ වෙන රටක අයවලුන්ගෙ.නමුත් ලංකාවෙ ආන්ඩුව මැරුවෙ,මානව අයිතිවාසිකම් උල්ලංඝනය කලේ තමුන්ගේම රාජ්‍යයේ පුරවැසියන්ගෙ.එතකොට වැඩිය නරක මොකක්ද?යනුවෙන්.නමුත් මේ දෙකෙන් වඩා හොද මොකක්ද නරක මොකක්ද කියන විවාදයට මම යන්නෙ නැහැ.මට මේ දෙකේම වැඩි වෙනසක් නැහැ]

    කොළය වසා ගැහීමේ උපරිමය මෙන්න මේ ඡේදයෙන් රාමා විසින් පෙන්වනු ලබයි. රටක මානව අයිතිවාසිකම් කුමක්ද, ඒ කවර දුරකටද යන්න තීරණය ඒ රටේ මහජනතාව සතු එකක් මිස රාමාගේ "දාස් කැපිටාල්" කඩමාල්ලෙන් නිර්ණය කළ හකි එකක් නොවේ. වැඩි දෙනා රැක ගැනීමට කිහිප දෙනෙක් බිල්ලට දීමට සිදු වීම රටේ බහුතරයකගේ මතය නම් එය එම රටේ ස්වාධීනත්වය වේ. ස්වාමිපුරුෂයා තම බිරිඳට ගෙදර තුලදී ගෘහස්ථ ප්‍රචන්ඩත්වය මුදා හැරීමෙන් වරදක් සිදුවේ. නමුත් අල්ලපු ගෙදර කාන්තාවට එරෙහිව එය සිදු කරද්දී එයට තවත් වැරදි කිහිපයක්ද එකතු වේ. මේ සුපැහැදිලි සත්‍යය වසා දමමින් රාමා උත්සාහ ගන්නේ මේ කාරණා දෙකම සම කිරීමටයි.

    [ලංකාවේ රාජ්‍යය සිංහල කේන්ද්‍රීයයි.ඒක ඔබ පිලිගන්නවාද මම දන්නෙ නැහැ.නමුත් ඇත්ත ඒකයි.මේ රාජ්‍යය සිරා එකක් වෙන්නෙ සිංහලයට මිස දමිලයාට නෙමෙයි]

    මෙය සම්පූර්ණයෙන්ම සත්‍යයකි. මේ රාජ්‍යය දෙම්ලාට සිරා නොවන්නේ එය දෙමළ කේන්ඳ්‍රීය විය යුතුය යන මතයේ දෙමළා එල්ලී සිටින නිසා මිස සිංහලයන්ගේ වරදක් නිසා නොවේ. ලොව සියළුම රටවල රාජ්‍ය බහුතර සංස්කෘතීන් කේන්ද්‍රීය වන අතර සුළුතරයන් කරන්නේ එයය අනුගත වීම මිස රටෙන් කොටසක් ඉල්ලා සන්නද්ධ අරගලයක යෙදීම නොවේ. රාජ්‍යයේ පවැත්ම උදෙසා මිනීමැරීම සාධාරණීකරණය වන්නේ මෙන්න මේ භෞමික අඛණ්ඩතාවය බිඳ හෙලීම මගිනි. එසේම මේ අරගලය සිංහල - දෙමළ එකක් පමණක් බවට රාමා නැවතත්ලඝු කරන්නේ ඔහුගේ මතවාදයේ ඇති දැවැන්ත හිල් වසා ගැනීමටය. දෙමළ කතා කරන ජන කොටසක් වූ මුස්ලිම්වරු, මෙහිදී රාජ්‍යයට දැක්වූ සහයෝගය අමතක නොකළ යුතුය. දෙමළ ජාතිවාදයේ පීඩණයට සිංහලයා තරම්ම මුස්ලිමුන්ද ගොදුරු වූහ. එනිසා සිඃහලයන් හා ම් උස්ලිමුන් එක්ව, බ් හෞමික අඛණ්ඩතාවය වෙනුවෙන් මිනී මැරුවාය කීම වඩාත් සාධාරණ අතර, ඉන්ම දෙමළ ජාතිවාදී ව්‍යාපාරයේ ඇති, රාමා වසන්න හදන ඇත්ත.

    ReplyDelete
  26. දෙමළ කැන්වසය ගැන වචනයක්: දෙමළ කැන්වසය බහුවාර්ගික වීම බලහත්කාරයෙන් නවත්වන්නේ දෙමළ ජාතිවාදය මිස අන් යමක් නොවේ. රාමා සිංහලයන් බලෙන් පදිංචි කරවීම බලහත්කාර කමෙකැයි කීවද, 40,000 වූ උතුරෙන් එළවා දැමූ සිංහලයන්, හා 60,000 වූ මුස්ලිමුන් නැවත පදිංචි කිරීමට විරුද්ධ වෙමින් දෙමළ ජාතිවාදීන් ගෙන යන බලහත්කාර කම ගන කටින් කෙළ බිඳකුදු නොසොල්වයි. ඒ ඊනියා කුරුවල් වාමාංශිකයන්ගේ හැටිය. දෙමළ කැන්වසය ඉබේම බහුවාර්ගික වීම බලහත්කාර කමින් වළකන්නේ නේම්, බලහත්කාර කමින් හෝ එය කළ යුතු වේ.

    ReplyDelete
  27. [මහපොලොවේ තිබෙන්නේ සිංහල හමුදාවකි.දෙමල භාෂාවෙන් අන දෙන එක ප්ලැටූනයක්වත් ඉතිහාසයේ එහි තිබී ඇත්නම් මෙය ලාංකීය හමුදාවකි යන ඔබගේ ප්‍රකාශයේ සලකා බැලීමට දෙයක් වත් තිබිය හැකිව තිබුනි. ]

    මහපොළොවේ තිබූ හමුදාව සිංහල-මුස්ලිම් එකකි. ඔත්තු බලන අංශ සමහරෙක මුස්ලිම් ප්‍රතිශතය 90% පවා වූ අවස්ථා තිබී ඇත. එනිසා මෙය සිංහල හමුදාවකැයි රාමා පවසන්නේ තම තර්කයට පදනමක් දමා ගැනීමටය. එසේම දෙමළෙන් අණ දෙන ප්ලැටූන ගැන කීම ළදරු ජෝක් එකකි. එක්සත් ජනපදයේ හිස්පැනිකයන් 15%ක් ඇත්ත ස්පාඤ්ඤ බසින් අණ දෙන එකදු ප්ලැටූනයක් වත් එහි නොමැත. නමුත් ඇමෙරිකාවේ හිස්පැනිකයන් මේ ගන නහයෙන් අඬීම හෝ ඤරු ඤුරු ගෑම සිදු නොකරති. සමහර විට ප්ලැටූන වලට අණ දෙන්නේ වෙනම තාක්ෂණික භාෂාව උපයෝගී කරගෙනය. එනිසා මෙ වනාහි තනිකරම හිස් තර්කයකි.

    ReplyDelete
  28. @ රාමා,

    ඔබගෙ මතයේ ඇති අතාර්කිකත්වය හුදු භාෂා විලාශයකට ලඝු කිරීමට දැරුණු උත්සාහය කණගා‍ටුවට කරුණක් වුවත් තනුක කිරීමෙන් පසුව නුමුදු වරද පිළිගැනීම ගැන නම් ඇත්තේ සතුටකි. මට නැවතත් කීමට ඇත්තේ ඔබගේ නිරීක්ෂණය (හෙවත් ප්‍රවේශයන්ගේ ඔබ දු‍ටු සමානත්වය) වැරදි යැයි මා නොකී බවයි. මට ගැටළුව වූයේ එය කිසිදු ප්‍රයෝජ්‍ය වටිනාකමක් නැති හුදු නිරීක්ෂණයක්ම පමණක් වීමත් එබැවින්ම එය අතාර්කික වීමත්ය.

    ප්‍රවේශයන්ගේ සාම්‍යත්වය දැකීමෙන් ඔබට දැණුනු ත්‍රිල් එක (සිත් ගන්නා සුළු බව) මට නොදැනීම ගැනද යමක් කිව යුතුය. මෙම සමානකම් වල ඔබට ලගන්නාසුලු බවක් දැනෙන්නේ එය ලෝක ස්වභාවය බව ඔබට තේරුම් ගොස් නැති නිසා විය යුතුය. කිතුලට නැග්ග එකා මාට්‍ටු වූ විට තණකොල කපන්න ගහට ගියා යැයි කියන කතාවක් ඇත. ඇමරිකාවද තමුන්ගේ අධිරාජ්‍යවාදී උවමනාවල් වෙනුවෙන් කරන අමානුශික ආක්‍රමණ මානුශීය මැදිහත්වීම් ලෙස සළුපිළි ගන්වන්නේ එම තේරුමිනි. එනම් අදාළ ප්‍රවේශයන්ගේ ඔබ දකින සමානකම දැනුවත්ව කල වංචාවක ප්‍රතිඵලයක් මිස අහම්බයක්වත් වෙනත් හේතුවක ඵලයක්වත් නොවේ. මේ කරුණ තේරුම් නොගෙන ලිබියාවේ සහ ලංකාවේ කෙරුණු මැදිහත්වීම් වල සමානකම් දැකීමට යාම කිතුලට නැග්ග එකාගේ සහ තම ගවයන්ට දීමට තණකොල කපන කිරි ගොවියාගේ සමානකම් සෙවීම තරම්ම තකතීරු කමකි.

    "ඔබේ තර්කය අනුව කිසිදිනෙක රජයට උතුරේ සාමාන්‍ය පරිපාලනය ස්ථාපිත කල නොහැක.මන්ද "ජාත්‍යන්තර කොටි කල්ලි" හා "ඔවුන්ගේ සහයක බල ඇනි" පරාජය කිරීම ලංකා රජයට කිසිදාක සිදුකල නොහැක්කක් වන බැවිනි"

    මම ඔය ප්‍රශ්ණය දෙස 'ඔබ තරම්ම අසුභවාදීව බලන්නේ' නැත. හැරත් ඔය තත්ත්වය ඇතිවීමට ලංකාන්ඩුව අදාළ පාර්ශවයන් පරාජය කළ යුතුමද නැත. බොහෝවිට සිදුවිය හැක්කේ ජාත්‍යන්තර කොටි කල්ලි ඊළම වෙනුවෙන් කරන අරගල වලින් කාලයත් සමග ඉවත් වීමයි (මෙය දැනටමත් එකතරා දුරකට වෙමින් පවතී). කඩේ යවා ගැනීම සඳහා කොටි කල්ලි නැති තත්ත්වයක් තුළ බොහෝවිට සුදු සහායක බළ ඇණිවලටද ඔවුන්ගේ ව්යාපෘතියෙන් ඉවත් වීමට (හෝ වෙනත් කඩේ යන කණ්ඩායමක් සොයා ගැනීමට) බළ කෙරෙනු ඇත.

    කැනඩාවේ සහ ඉන්දියාවේ රාජ්යවල බහුවාර්ගිකත්වය සම්බන්ධව:

    ස්වයංපාලන සංකල්පය කැනඩාව අල්ලාගෙන ගොඩ දා ගැනීමට ඔබ දරණ උත්සාහය ඇත්තවශයෙන්ම ජුගුප්සාජනකය. කැනඩාවේ ඉංග්‍රීසි සහ ප්‍රංශ කතාකරන පිරිස් වලට අමතරව රතු ඉන්දියන් සහ එස්කිමෝ ඇතුළු වෙනත් ජනවර්ගද ඇති බව ඔබ නොදන්නවා විය නොහැක. නමුත් ක්විබෙක් පන්නයේ රතු ඉන්දියන් හෝ එස්කිමෝ ස්වයංපාලන ප්‍රදේශ නම් කැනඩාවේ නැත. එබැවින් ඔබේම නිර්නායකයන්ට අනුව වුවද කැනඩාවේ ඇත්තේ ඉංග්‍රීසි-ප්‍රංශ කේන්ද්‍රීය පාලනයක් මිස බහුවාර්ගිකත්වයක් විය නොහැක. එහෙත් ඒ කිසිවකින් අධෛර්යමත් නොවී ලෝස් නැතුව කැනඩාවට බහුවාර්ගික ටයිටල ඔබ දී ඇති ආකාරය හාස්‍යජනකය (ඇත්තම කතාව නම් ප්‍රංශ කතාකරන්නන්ටද කැනඩාවේ ස්වයංපාලනය හිමි වන්නේ එරට කොල්ල කෑ අධිරාජ්‍යයන් දෙකක් අතර ඇතිවුණු එකඟතාවයක් ලෙස මිසක ඊනියා බහුවාර්ගිකත්වයක් නිසා නොවන බවයි. එසේ නොවන්නට 'බහුවාර්ගික' කැනඩාව ප්‍රංශ කතාකරන්නන්ගේද එකඟත්වය ඇතිව මෑතක් වනතුරුම රතු ඉන්දියන්වරුන් පරම්පරා පිටින් සංස්කෘතිකව හීලෑ කළ නොකරනු ඇත).

    - ප්‍රභංග.

    ReplyDelete
  29. @ රාමා,

    "ඉන්දියාවේ ආන්ඩුව යැයි ඔබ කියද්දී ඔබ අදහස් කරන්නේ කවර ආන්ඩුවද?උදාහරනයක් විදිහට තමිල්නාඩුවේ වැසියාට "ආන්ඩුව" කීවාම එතන අර්ථ දෙකක් තිබෙනවා.ඒ මධ්‍යම ආන්ඩුව සහ ප්‍රාන්ත ආන්ඩුව යනුවෙන්.එතනදී මධ්‍ය ආන්ඩුව හින්දි බහුතරයේ බලපෑමට යටත් වූවා විය හැකි වූවත් ප්‍රාන්ත ආන්ඩුව භුක්ති විදින ස්වයංපාලන තත්වය නිසා ඒක ප්‍රාන්තයේ වැසියාට අගතිගාමී විදිහට බලපාන්නෙ නැහැ.අවසන් විග්‍රහයේදී ඉන්දියාවේ හෝ කැනඩාවේ රාජ්‍යය එක් ජනවර්ගයක රාජ්‍යයක් නොවී බහුවාර්ගික රාජ්‍යයන් වෙන්නේ මේ නිසා."

    ඉන්දියාවෙ රජය යැයි මා කීවේ එහි මධ්‍ය ආන්ඩුවය යන්න ඔබට නොතේරුණා විය නොහැක. එය නොතේරුණා සේ සිටීම ඔබට පහසු නම් ඒ ගැන මගේ අවුලක් නැත. එහෙත් ගැටළුව ඇත්තේ එසේ සිටීමට හේතු දැක්වීමට ගොස් ඔබ තව තවත් 'කඩතොලු' හදා ගැනීමෙහිය. නිදසුනක් ලෙස පාරම්පරිකවම කංචිපුරමේ වෙසෙන තෙලිඟු බස වහරන පුර වැසියෙකුට ආන්ඩුව යැයි කීවිට හැ‍ඟෙන දෙය කුමක්දැයි ඔබට පැවසිය හැකිද? ඉන්දියාවේ ඔබ දකින බහුවාර්ගික ස්වයංපාලන ලැදි ටයිටලය එම පුර වැසියාගේ ප්‍රශ්ණ විසඳා ඇතිද? මා මෙම ප්‍රශ්ණ අසන්නේ මේවාට උත්තර නොදන්නා කමට නොව ඔබගේ කලාපීය ස්වයංපාලන තියරියටද රටක වෙසෙන සියළුම ජනවර්ග වල ප්‍රශ්ණ විසඳිය නොහැකි බව පෙන්වීමටත්, එම අවශේෂ ජනවර්ගයන්ගේ ගැටළුවලට ඔබට යෝජනා කිරීමට සිදු වන්නේ අප මුල සිටම අනුදැන වදාල පිළිතුරම පමණක් බවත්ය.

    මෙරට හමුදාවේ සිංහළ කේන්ද්‍රීයත්වය ගැන:

    හමුදාවක ඇති රෙජිමේන්තුවල වහරන භාශාව මත එහි බහුවාර්ගිකත්වය නීර්ණය කිරීම ඔබගේම සොයා ගැනීමක් විය යුතුය. මා දන්නා අන්දමට නම් එය තීරණය විය යුත්තේ එය විසින් සුරකින ජනතාවගේ අභිලාශයන්ගේ ස්වභාවය මත මිසක එහි ඇති රෙජිමෙන්තුවල කතා කරන බස මත නොවන බවයි. කෙසේ වෙතත් සිංහළ හමුදාව ලාංකීය වීමට සැපිරිය යුතුයැයි ඔබ අනුදකින කොන්දේසිය හරහා ඔබ නැවතත් ඔප්පු කරමින් සිටින්නේ ඔබ අදහන බහුවාර්ගිකත්වය යනු කොක්කෙන් හෝ කෙක්කෙන් දෙමළාගේ ජාතිවාදී අභිලාෂයන් ඉ‍ටු කිරීම මිසක ඉන් එහාට ගිය ජාතීන් අතර වන සැබෑ අනුකලණයක් නොවන බවයි.

    එක අතකින් මේවාට ඔබෙන් ගේම ඉල්ලීමෙන් ඵලක් නැත. කලක් ලංකාවේ වාමවාදී පතාකයන් වූ කොල්වින්ලාද "එක රටක් භාශා දෙකක් - භාශා දෙකක් එක රටක්" ලෙස වැද්දන් වැනි අවශේෂ ජන කොටස් වලට කොකා පෙන්නා සූත්‍රගත කල දෙමළ ජාතිවාදයට ආතල් දීමට සාපේක්ෂව ඔබ මේ කරන්නේ ඔවුන් කළ දෙය දුව දුව කිරීම පමණි.

    - ප්‍රභංග.

    ReplyDelete
  30. @ ප්‍රභංග

    ඔබේ පිලිතුරු දකින විට පැහැදිලිවම පෙනෙන්නේ ඔබේ පාර්ශවයෙන් සිදුකෙරෙන්නේ අවංක සංවාදයකට වඩා යම් මතයක් කෙසේ හෝ සාධනයට දරනා උත්සාහයක් පමනක් බවයි.කැනඩාව හෝ ඉන්දියාව සම්බන්ධව මා දී තිබෙන උදාහරනවලින් ඔබ ලිස්සා ගොස් තිබෙන ආකාරය එය මනාව පෙන්වයි.කැනඩාව සහ ඉන්දියාව බහුවාර්ගික විවිධත්වය සාපේක්ෂව සාර්ථක ලෙස කලමනාකරනය කරගනු ලැබූ රටවල් දෙකකි.එතනදී ඒවා ලංකාවට වඩා ගව් ගනනක් ඉදිරියෙන් සිටී.මේ රටවල්වලින් අපට ඉගෙන ගත හැකි බොහෝ දේ තිබේ.කැනඩාවේ සුලුතර ප්‍රංශ ජාතිකයන්ගේ අයිතීන් පොදු රාජ්‍යයක් තුල සාපේක්ෂව සාර්ථකව ආරක්ෂා වන අතරතුර එම ජනයාගේ අනුමැතිය පොදු රාජ්‍යය වෙත දිනාගෙන තිබීම පිලිබද නිදසුන දැක්වූ විට ඔබ එම කරුන ගැන වචනයක් නොදොඩා කැනඩාවේ රතු ඉන්දියානුවන් ගැන වෙනම කතාන්දරයකට යයි.මෙය පැහැදිලිවම තර්කයෙන් පලායාමකි.අවශ්‍ය නම් අපි රතු ඉන්දියානුවන් ගැනත් කතාකරමු.නමුත් මා ඉදිරිපත් කලේ ප්‍රංශ - ඉංග්‍රීසි සම්බන්ධතාවය පිලිබද උදාහරනයයි.බහුතර ඉංග්‍රීසි අනන්‍යතාවය සුලුතර ප්‍රංශ ජාතිකයන් මත පතිත වීම පැහැදිලිවම වලකා තිබෙන්නේ ප්‍රංශ ජාතිකයන්ට තහවුරු කර දී තිබෙන ස්වයංපාලන තත්වය නිසාය.මේ නිශ්චිත කරුන පිලිබද ඔබට කීමට කිසිදෙයක් නැති බව මම දනිමි.ඒ වෙනුවට රතු ඉන්දියානුවන් ගැන වෙන මාතෘකාවක් ගෙන ඒමෙන් ඔබ කරන්නේ බැක්ෆුට් යාමකි.

    //එබැවින් ඔබේම නිර්නායකයන්ට අනුව වුවද කැනඩාවේ ඇත්තේ ඉංග්‍රීසි-ප්‍රංශ කේන්ද්‍රීය පාලනයක් මිස බහුවාර්ගිකත්වයක් විය නොහැක. එහෙත් ඒ කිසිවකින් අධෛර්යමත් නොවී ලෝස් නැතුව කැනඩාවට බහුවාර්ගික ටයිටල ඔබ දී ඇති ආකාරය හාස්‍යජනකය //

    අපි මෙම තර්කය ආරම්භ කලේ කොතැනින්ද?යම් සමාජයක යම් ජනවර්ගයක් බහුතරය වේ නම් එහි ආන්ඩුව නිසගයෙන්ම එම බහුතර ජනවර්ගයට කේන්ද්‍රිත වන බව ඔබ පැවසුවා.ඒ තර්කය කැනඩාවට යොදනවා නම් (ඔබේම තර්කය අනුව) කැනඩාවේ බහුතර ජනවර්ගය ඉංග්‍රීසි නිසා කැනඩාවේ තිබිය යුත්තේ ඉංග්‍රීසි කේන්ද්‍රිත රාජ්‍යයකි.නමුත් දැන් ඔබ ඒ වෙනුවට ඉංග්‍රීසි-ප්‍රංශ හවුල් කේන්ද්‍රයක් ගැන දොඩයි.ඔබේ තර්කය ඔබම නිශේධනය කරගනී.ඔබට එසේ බැක්ෆුට් යාමට සිදුවන්නේ ස්වයංපාලන සංකල්පය හරහා බහුතරවාදය පාලනය වන ආකාරය පැහැදිලිව පෙන්වා දෙන ලද නිසාය.

    ReplyDelete
  31. ඉන්පසු ඉන්දීය නිදසුනෙන්ද ඔබ පලායන්නේ අනුකම්පා කටයුතු ලෙසය.

    -//ඉන්දියාවෙ රජය යැයි මා කීවේ එහි මධ්‍ය ආන්ඩුවය යන්න ඔබට නොතේරුණා විය නොහැක//

    සන්දීය රාජ්‍යයක සවාධිපත්‍යය බෙදුනු එකක් නිසා ෆෙඩරල් රාජ්‍යයක රජය හෝ ආන්ඩුව කීවාම එහි ද්විත්ව අර්ථයක් තිබෙන බව නොදැනීම ඔබේ දේශපාලන නොදැනුම පිලිබද ප්‍රශ්නයකි.එසේ අර්ථ දෙකක් හැදෙන්නේ කෙසේද යන්න මා කලින් ප්‍රතිචාරයේදී පැහැදිලිවම කියා තිබේ.ඔබ එය කියවූයේ නැතිනම් නැවත එය කියවා ඊලග ප්‍රතිචාරය ලියන්න.දැන් ඉන්දියාව පිලිබද මගේ තර්කය මෙයයි.ඉන්දියාවේ සංඛ්‍යාත්මක බහුතරය හින්දු වූවාට වෙනත් භාෂා වහරන විවිධ ජනකොටස් ප්‍රාදේශීයව ජීවත් වෙති.එම ජනයා පොදු රාජ්‍යයක් යටතේ ජීවත්විමට එකග කරවාගෙන තිබෙන්නේ කෙසේද?ඒ කලාපීය ස්වයංපාලනය පිලිගැනීම මගිනි.තර්කය එපමනය.දෙමල ජනයාගේ සියලු ප්‍රශ්න විසදී ඇති බවක්වත්,මේ ක්‍රමය සර්ව සම්පූර්න බවවත් කොහෙවත් කියා නැත.එහෙම සර්ව සම්පූර්නයෙන් මිනිස් වර්ගයාගේ ප්‍රශ්න විසදා ඉවර කිරීමටත් බැරි අතර මේ කතාව එවැනි යුතෝපියාවන් ගැන නොවේ.සාපේක්ෂව වඩා හොද ක්‍රමය කුමක්ද යන්න ගැනයි තර්කය.ස්වයංපාලනය නැති තත්වයකදී එනම් සමස්ත බලය මධ්‍යම ආන්ඩුවට පමනක් කේන්ද්‍රගතව තිබෙන විටකදී හින්දි බහුතරයේ ආධිපත්‍යය දෙමල/පන්ජාබ්/මලයාලි ජනයා මත පතිත වීමේ අවදානම ස්වයංපාලනය නිසා පාලනය වී තිබේ.මෙම නිශ්චිත කරුනට උත්තර නොදී වටේ යාම කාලය කා දැමීමක් පමනි.

    ReplyDelete
  32. හමුදාවේ සිංහල කේන්ද්‍රීයත්වය -

    - හමුදාවක ඇති රෙජිමේන්තුවල වහරන භාශාව මත එහි බහුවාර්ගිකත්වය නීර්ණය කිරීම ඔබගේම සොයා ගැනීමක් විය යුතුය. මා දන්නා අන්දමට නම් එය තීරණය විය යුත්තේ එය විසින් සුරකින ජනතාවගේ අභිලාශයන්ගේ ස්වභාවය මත මිසක එහි ඇති රෙජිමෙන්තුවල කතා කරන බස මත නොවන බවයි. -

    කිසිදු හමුදාවක් ජනතාවකගේ අභිලාෂයන් සුරකින්නේ නැත.එය සුරකින්නේ ඊට අන දෙන පාලකයන්ගේ අභිලාෂයන් පමනි.ජනතාවගේ අභිලාෂ සුරකින හමුදා ගැන ඔබේ සිහිනයත් ලාංකික හමුදාවක් ගැන ඔබේ ෆැන්ටසිය වාගේම ඔබේ ඔලුව තුල තිබෙන්නකි.දෙමලෙන් අන දෙන ප්ලැටූනයක් ගොඩනැගූ පමනින් හමුදාව බහුවාර්ගික වන බව කිසිතැනක කියා නැත.නොකියූ දේවල් කියූ දේ ලෙස උපුටා ඊට පහරදීම බොලද උපක්‍රමයකි.කරුනාකර ඊට වඩා පරිනත වන්න.ලංකාවේ හමුදාව බහුවාර්ගික බව ඔබ කියනවා නම් (ප්ලැටූන අපි මොහොතකට පැත්තකින් තබමු) කරුනාකර හමුදාවේ සේවය කරන දමිල නිලධාරීන් සංඛ්‍යාව එහි මුලු පිරිස් බලයේ ප්‍රතිශතයක් ලෙස කොපමනදැයි සදහන් කරන්න.ඉන්පසු අපි බහුවාර්ගිකත්වය ගැන කතාකරමු.

    (හමුදාවේ බහුවාර්ගිකත්වය ගැන අවශ්‍ය නම් මේ නිදසුනත් ඔබට සලකා බැලිය හැක.
    මේ ශ්‍රී ලංකා හමුදාවේ වෙබ් අඩවියයි - http://www.army.lk/
    ඔබේ බහුවාර්ගික හමුදාව පිලිබද අඩුම තරමින් දෙමල භාෂාවෙන් වචනයක් හෝ නැත.මේ කැනේඩියානු හමුදාවේ වෙබ් අඩවියයි - http://www.army.forces.gc.ca/land-terre/home-accueil-eng.asp
    ඉංග්‍රීසි ප්‍රංශ භාෂා ද්වයෙන්ම එය සමන්විත වේ.මේවා ගැඹුරු යථාර්තයන් අවබෝධ කරගැනීමට ආධාර දෙන සරල උදාහරනය.ඔබ මීට දෙන පිලිතුර මම දනිමි.මේ ගැන වචනයක් හෝ නොකියන ඔබ “කැනඩාවේ සයිට් එකේ රතු ඉන්දියන් භාෂාව නැහැ නෙව“ යැයි ලියනු ඇත!

    අවශ්‍ය නම් ගොඩවෙලා බලන්න.මේ ඉන්දීය හමුදාවේ රෙජිමේන්තු පිලිබද විස්තරයයි.අඩුම තරමින් මේ වර්ගයේ හමුදාවන්ට බහුවාර්ගික යැයි කීමට වත් පුලුවන්කම තිබේ

    http://en.wikipedia.org/wiki/List_of_regiments_of_the_Indian_Army)

    ඔබේ ප්‍රතිචාරයේ වඩාත්ම සිනහ උපදවන සුලු කොටස මෙයයි.

    -එක අතකින් මේවාට ඔබෙන් ගේම ඉල්ලීමෙන් ඵලක් නැත. කලක් ලංකාවේ වාමවාදී පතාකයන් වූ කොල්වින්ලාද "එක රටක් භාශා දෙකක් - භාශා දෙකක් එක රටක්" ලෙස වැද්දන් වැනි අවශේෂ ජන කොටස් වලට කොකා පෙන්නා සූත්‍රගත කල දෙමළ ජාතිවාදයට ආතල් දීමට සාපේක්ෂව ඔබ මේ කරන්නේ ඔවුන් කළ දෙය දුව දුව කිරීම පමණි-

    ලංකාවේ දෙමල ජනයාගේ අනන්‍යතාවය,ඔවුන්ගේ දේශපාලන අයිතිය පිලිගැනීමට මාරාන්තික ලෙස විරුද්ධ වන ඔබ වැද්දන්ට,එස්කිමෝවරුන්ට,රතු ඉන්දියානුවන්ට මාර ආදරේය.ඒ ගැන මාර සංවේදිය.පිලිකුල් සහගත නන් දෙඩිවිලි!ලංකාව සිංහල ආධිපත්‍යයක් පැවතිය යුතු රටක් යැයි ප්‍රසිද්ධියේ කියා ඒ ආධිපත්‍යය වෙනුවෙන් මිනීමැරීමේ වරදක් නැති බවට තමන්ගේ මතය ( සිංහල ජාතිවාදය) අවංකව ප්‍රකාශ කරන මිගාර බොල් ප්‍රජාතන්ත්‍රවාදී වචන වලට මුවාවී සිය අවංක මතය සගවන ඔබට වඩා සිය ගුනයක් ඉදිරියෙන් සිටී.

    ReplyDelete
  33. "ජනවාර්ගික විවිධත්වයක් තිබෙන සහ ලංකාවේ/කැනඩාවේ/ඉන්දියාවේ වගේ එම විවිධත්වය ප්‍රාදේශීය ස්වභාවයක් උසුලන රටවල එම විවිධත්වය ගැටුමක් රහිතව පවත්වාගත හැක්කේ/එසේ පවත්වාගෙන තිබෙන්නේ ඒ ඒ ප්‍රජාවන්ගේ ස්වයංපාලන අයිතිය පිලිගැනීමෙනි!එසේ කිරීමෙන් පමනි!"

    "නමුත් කැනඩාව/ඉන්දියාව - සමස්තයක් විදිහට සාර්ථකව වාර්ගික විවිධත්වය කලමනාකරනය කරගෙන ඉන්න සෑම රටක්ම පාහේ - මෙම ක්‍රමවේදය යොදාගනිමිනුයි එය සිදුකොට තිබෙන්නේ."

    @ රාමා,

    ඉහත උපුටා දැක්වී ඇති කොටස් ලිවේ මා නොව ඔබයි. ඔය සෑම තැනකදීම ඔබ ස්වයංපාලනය විග්‍රහ කොට ඇත්තේ විවිධ ජනවර්ග එක රටක් තුළ තබා ගැනීමේ අත්දු‍ටු අති සාර්ථක උපක්‍රමය ලෙසයි. එපමණකින් නොනවතින ඔබ එය *එකම* උපක්‍රමය ලෙසද අභිශේක කරයි (නැවත කියවන්න: *එසේ කිරීමෙන් පමණි*). මා රතු ඉන්දියානුවාගේ සහ කංචිපුරමේ වසන තෙලිඟු බස වහර පුරවැසියාගේ උදාහරණ යොදා ගත්තේ ඔබගේ අත්දු‍ටු සාර්ථක ප්‍රථිකාරය ඔවුන්ගේ ප්‍රශ්ණ විසඳා නැති අකාරය පෙන්වීමට මිසක ප්‍රශ්ණයෙන් පලායාමට නොවේ. ඉන් ඔබ්බටද ගොස් මා වැඩිදුරටත් පෙන්වූයේ ස්වයංපාලනයට රටක වෙසෙන සියළුම ජනවර්ග වල ප්‍රශ්ණ විසඳිය නොහැකි බවත් අවශේෂ ජනවර්ග වල ප්‍රශ්ණ වලට ඔබට දීමට ඇත්තේ 'සංස්කෘතික ආධිපත්ය පිහිටවීමක්' යැයි කියමින් (රතු ඉන්දීය කැන්වසයේ අඳින ඉංග්‍රීසි සිත්තම??) දැනට ඔබ විවේචනය කරන අප විසින් යෝජිත විසඳුමම බවත්ය. මේ පිළිබඳව කෙළ බිඳක් නොහෙලූ ඔබ දැං 'සාපේක්ෂ සාර්ථකත්වයක්' දක්වා පල්ලම් බැස ඇති ආකාරය නම් අනුකම්පාසහගතය. විවිධ ජනවර්ග එකම රටක් තුළ තබා ගැනීමේ රහස ස්වයංපාලනය යැයි වැනූ ඔබ දැං 'සාපේක්ෂ සාර්ථකත්වයක් ගැන' පවසන්නේ *ස්වයංපාලනයටද රටක වෙසෙන සියළුම ජාතීන්ව වාර්ගික පදනමින් කැරළී නොගසා තබා ගැනීමට බැරි බවත්, එයට ලඟා කර ගත හැක්කේ ඇතැම් ජාතීන් එවන් කැරළි ගැසීම් වලින් වළක්වීමෙන් ලැබෙන සාපේක්ෂ සාර්ථකත්වයක් පමණක් බවත්* පිළිගන්නා නිසාද?

    "කැනඩාවේ සුලුතර ප්‍රංශ ජාතිකයන්ගේ අයිතීන් පොදු රාජ්‍යයක් තුල සාපේක්ෂව සාර්ථකව ආරක්ෂා වන අතරතුර එම ජනයාගේ අනුමැතිය පොදු රාජ්‍යය වෙත දිනාගෙන තිබීම පිලිබද නිදසුන දැක්වූ විට ඔබ එම කරුන ගැන වචනයක් නොදොඩා කැනඩාවේ රතු ඉන්දියානුවන් ගැන වෙනම කතාන්දරයකට යයි."

    මා ඇඟිල්ල දික් කර හඳ පෙන්වූ විට හඳ නොපෙන්නා ඇඟිල්ලක් පෙන්වනවා යැයි මට චෝදනා කිරීමට තරම් ඔබ අතරමං වී ඇතැයි මම නොසිතීමි. එහෙත් ඔබගේ පිළිතුරේ පසුවට කර ඇති වෙනත් චෝදනාද සළකා බලන විට ඔබ ගැන මගේ තිබූ අධිතක්සේරුව ගැන පසු තැවෙමි. මා රතු ඉන්දියානුවන් සම්බන්ධ උදාහරණය ගත්තේ කැනඩාවේ සිදුව ඇත්තේ ඊනියා සුළු ජාතික අයිතිවාසිකම්වලට හිස නැමීමක් නොව එරට පාලනය කළ වාර්ගික ආධිපත්‍යන් දෙකක් සිදුවූ ගණුදෙණුවක් යැයි පෙන්වීමටය. එහෙත් ඔබට එය තවමත් නොවැටහී ඇති ලෙසකි. සරළවම කියන්නේ නම් ඔබ යෝජනා කර ඇති නිදසුන ඔබගේ තර්කයට නිදසුනක් නොවේ. යම් හෙයකින් එය නිදසුනක් නම් 1815දී අත්සන් තැබුණු කන්ද උඩරට ගිවිසුමද ස්වයංපාලනය පිළිබඳ නිදසුනක් විය යුතුය.

    - ප්‍රභංග.

    ReplyDelete
  34. "අපි මෙම තර්කය ආරම්භ කලේ කොතැනින්ද?යම් සමාජයක යම් ජනවර්ගයක් බහුතරය වේ නම් එහි ආන්ඩුව නිසගයෙන්ම එම බහුතර ජනවර්ගයට කේන්ද්‍රිත වන බව ඔබ පැවසුවා.ඒ තර්කය කැනඩාවට යොදනවා නම් (ඔබේම තර්කය අනුව) කැනඩාවේ බහුතර ජනවර්ගය ඉංග්‍රීසි නිසා කැනඩාවේ තිබිය යුත්තේ ඉංග්‍රීසි කේන්ද්‍රිත රාජ්‍යයකි.නමුත් දැන් ඔබ ඒ වෙනුවට ඉංග්‍රීසි-ප්‍රංශ හවුල් කේන්ද්‍රයක් ගැන දොඩයි.ඔබේ තර්කය ඔබම නිශේධනය කරගනී.ඔබට එසේ බැක්ෆුට් යාමට සිදුවන්නේ ස්වයංපාලන සංකල්පය හරහා බහුතරවාදය පාලනය වන ආකාරය පැහැදිලිව පෙන්වා දෙන ලද නිසාය. "

    රාමා, මේ ඔබ පෙන්වමින් සිටින්නේ ඔබට බ්ලොග් රචකයකු ලෙස අතරමං විය හැකි ප්‍රමාණයේ උපරිමයයි. මෙය පුද්ගලික ප්‍රහාරයක් ලෙස නොසළකන්න, නමුත් ඔබට තර්කයක් තේරුම් ගැනීමේ බරපතළ ගටළුවක් ඇත. මා කැනඩාව ඉංග්‍රීස්-ප්‍රංශ කේන්ද්‍රීයැයි නොකීවෙමි. මා කිව්වේ ඔබේ (හෙවත් රාමාගේ) නිර්ණායකයන්ට අනුව රාමා එය හැඳින්විය යුතුව තිබුණේ බහුවාර්ගික ලෙස නොව ඉංග්‍රීසි-ප්‍රංශ කේන්ද්‍රීය රාජ්‍යයක් ලෙස බවයි (මෙය තාමත් අපැහැදිළි නම් නැවත මා මුළින් ලියූව කියවන්න: "එබැවින් ඔබේම (එනම් රාමාගේම) නිර්නායකයන්ට අනුව වුවද කැනඩාවේ ඇත්තේ ඉංග්‍රීසි-ප්‍රංශ කේන්ද්‍රීය පාලනයක් මිස බහුවාර්ගිකත්වයක් විය නොහැක."). මා මගේම තර්කයක් නිශේධනය කර ගෙන නැත (ඉදිං බැක්ෆුට් යාම් ගැන කවර කතාද?). මට කැනඩාව යනු ඉංග්‍රීසි කේන්ද්‍රීය රාජ්‍යකි, එරට එක ජනවර්ගයකට වඩා වසන නිසාත් එම රජ්‍යය එම ජනවර්ගයන්ගේද රාජ්‍යය නිසාත් එය බහුවාර්ගිකය. ඉන්දියාව සහ ලංකාව සම්බන්ධයෙන්ද මෙහි වෙනසක් නැත.

    "සන්දීය රාජ්‍යයක සවාධිපත්‍යය බෙදුනු එකක් නිසා ෆෙඩරල් රාජ්‍යයක රජය හෝ ආන්ඩුව කීවාම එහි ද්විත්ව අර්ථයක් තිබෙන බව නොදැනීම ඔබේ දේශපාලන නොදැනුම පිලිබද ප්‍රශ්නයකි.එසේ අර්ථ දෙකක් හැදෙන්නේ කෙසේද යන්න මා කලින් ප්‍රතිචාරයේදී පැහැදිලිවම කියා තිබේ.ඔබ එය කියවූයේ නැතිනම් නැවත එය කියවා ඊලග ප්‍රතිචාරය ලියන්න."

    වචන අල්ලාගෙන තර්ක කිරීමෙන් ඵලක් නැත. ඉන්දියාවේ රාජ්‍ය පාලනය ගැන දැනමුතුකම් දීමට පෙර මා ඇසූ ප්‍රස්ශ්ණය නැවත කියවූවා නම් ඔබ ඔය අකරතැබ්බට මුහුණු නොපානු ඇත. නැවත බලන්න. මා ඇසූයේ "ඉන්දියාවේ ආන්ඩුව හින්දු කේන්ද්‍රීය එකක් නොවේද" කියාය. ඉන්දියාවේ ආන්ඩුව යනු 'Government of India' යන්නය.

    "ඉන්දියාවේ සංඛ්‍යාත්මක බහුතරය හින්දු වූවාට වෙනත් භාෂා වහරන විවිධ ජනකොටස් ප්‍රාදේශීයව ජීවත් වෙති.එම ජනයා පොදු රාජ්‍යයක් යටතේ ජීවත්විමට එකග කරවාගෙන තිබෙන්නේ කෙසේද?ඒ කලාපීය ස්වයංපාලනය පිලිගැනීම මගිනි.තර්කය එපමනය."

    ඉන්දියාවේ ඇත්තේ ප්‍රාන්ත 28කුත් අවශේෂ පාලිත ප්‍රදේශ 7කුත්ය. නමුත් ඉන්දියාවේ වසන ජනවර්ග ගණන සහ වහරන භාශා ප්‍රමාණය ඊට බොහෝ වැඩි බව ඔබ නොදන්නවා විය නොහැක. නමුත් තමුන්ගේමවූ ස්වයංපාලන ප්‍රදේශ නැතිවද එම බොහොමයක් ජනවර්ග පොදු රාජ්‍යක් යටතේ ජීවත් වීමට එකඟ වී ඇත. අනෙක් අතට තමන්ගේම වූ ස්වයංපාලනයක් සහිත ඈසෑමය, නාගලන්තය, පන්ජාබය (සහ සැළකියයුතු දුරකට තමිල්නාඩුව) වැනි ප්‍රාන්ත දැනටමත් එම පොදු රාජ්‍යෙන් ඉවත් වීමට අරගල කරමින් සිටී. එවන් තත්ත්වයක් යටතේ එරට ජනයා පොදු රාජ්‍යක් යටතේ ජීවත් වීමට එකඟ වී ඇත්තේ ස්වයංපාලනය නිසා යැයි තවදුරටත් කිව හැකිද? දැං ඔබේ තර්කයට පිළිතුරු නොදී පැනගියා යැයි කීමට කලබල නොවන්න. ඇඟිල්ල දික්වී ඇත්තේ සඳට බව අමතක නොකරන්න.

    "දෙමල ජනයාගේ සියලු ප්‍රශ්න විසදී ඇති බවක්වත්,මේ ක්‍රමය සර්ව සම්පූර්න බවවත් කොහෙවත් කියා නැත.එහෙම සර්ව සම්පූර්නයෙන් මිනිස් වර්ගයාගේ ප්‍රශ්න විසදා ඉවර කිරීමටත් බැරි අතර මේ කතාව එවැනි යුතෝපියාවන් ගැන නොවේ."

    රාමා නැවතත් පඹයෙකුට පලු යන තුරු නෙලන බවක් පෙනී යයි. ස්වයංපාලනයෙන් යම් ජනවර්ගයක සියළු ප්‍රශ්ණ විස‍ඳෙන බවක් රාමා කීවා යැයි ප්‍රභංග නොකීවෙහිය. ප්‍රභංග කීවේ ස්වයංපාලනයට රටක වෙසෙන සියළුම ජනවර්ග වල ප්‍රශ්ණ විසඳිය හැකියැයි රාමා කියන බවයි. තමුන් එසේ නොකී බව රාමා කියනුයේ නම් ඔහුට කිරීමට ඇත්තේ ස්වයංපාලනයෙන් විසඳිය නොහැකි වාර්ගිකයන්ගේ (උදා: කංචිපුරමේ වසන තෙලිඟු බස වහරන වැසියාගේ) වාර්ගිකත්වය මත පදනම් වූ ප්‍රශ්ණ වලට ඔහු දෙන විසඳුම කුමක්ද යන්න පැහැදිළි කිරීමයි.

    - ප්‍රභංග.

    ReplyDelete
  35. "කිසිදු හමුදාවක් ජනතාවකගේ අභිලාෂයන් සුරකින්නේ නැත.එය සුරකින්නේ ඊට අන දෙන පාලකයන්ගේ අභිලාෂයන් පමනි.ජනතාවගේ අභිලාෂ සුරකින හමුදා ගැන ඔබේ සිහිනයත් ලාංකික හමුදාවක් ගැන ඔබේ ෆැන්ටසිය වාගේම ඔබේ ඔලුව තුල තිබෙන්නකි."

    ජනතා අභිලාෂයන් සුරකින් හමුදාවන් යනු ෆැන්ටසියක් යැයි ඔබ කියන දෙය අපගේ මාතෘකාවට කෙළින්ම අදාළ නොවන බැවින් මා ඊට පිළිතුරු දෙන්නට නොයමි. එහෙත් ගැටළුව ඇත්තේ එය කීමට ගොස් ඔබ නැවත් නැවතත් කඩතොලු හදා ගැනීමෙහිය. නිදසුනක් ලෙස හමුදාවක් සුරකින්නේ එයට අණදෙන්නන්ගේ අභිලාශයන් නම් හින්දු බහුතරයේ බලපෑමට යටත් ඉන්දීයාවේ ආන්ඩුවෙන් (පටලව ගන්න එපා, මේ කියන්නෙ ඉන්දියාවෙ මධ්‍යම ආන්ඩුව ගැන) අණලබා ගන්න ඉන්දීය හමුදාව තවදුරටත් බහුවාර්ගිකයැයි කියන්නේ කුමන පදනමකින්ද?

    "දෙමලෙන් අන දෙන ප්ලැටූනයක් ගොඩනැගූ පමනින් හමුදාව බහුවාර්ගික වන බව කිසිතැනක කියා නැත.නොකියූ දේවල් කියූ දේ ලෙස උපුටා ඊට පහරදීම බොලද උපක්‍රමයකි.කරුනාකර ඊට වඩා පරිනත වන්න."

    සමාවන්න රාමා, මා උපකල්පනයක් කලා. ඇතැම්විට එය වැරදි ඇත. ප්‍රංශ බස වහරන්නන්ට පමණක් දුන් ස්වයංපාලනය හේතුවෙන් කැනඩාවට ඔබ බහුවාර්ගික ටයිටලය දුන් ආකාරය දු‍ටු විට දෙමළ රෙජිමේන්තුවත් සමග ශ්‍රී ලංකා හමුදාවටද බහුවාර්ගික ටයිටලය දීමට ඔබ මැළි නොවනු ඇතැයි සිතුවෙමි.

    "ලංකාවේ දෙමල ජනයාගේ අනන්‍යතාවය,ඔවුන්ගේ දේශපාලන අයිතිය පිලිගැනීමට මාරාන්තික ලෙස විරුද්ධ වන ඔබ වැද්දන්ට,එස්කිමෝවරුන්ට,රතු ඉන්දියානුවන්ට මාර ආදරේය.ඒ ගැන මාර සංවේදිය.පිලිකුල් සහගත නන් දෙඩිවිලි!ලංකාව සිංහල ආධිපත්‍යයක් පැවතිය යුතු රටක් යැයි ප්‍රසිද්ධියේ කියා ඒ ආධිපත්‍යය වෙනුවෙන් මිනීමැරීමේ වරදක් නැති බවට තමන්ගේ මතය ( සිංහල ජාතිවාදය) අවංකව ප්‍රකාශ කරන මිගාර බොල් ප්‍රජාතන්ත්‍රවාදී වචන වලට මුවාවී සිය අවංක මතය සගවන ඔබට වඩා සිය ගුනයක් ඉදිරියෙන් සිටී. "

    ඔබ මේ නැවතත් පෙන්වමින් සිටින්නේ සරළ තර්කයක්වත් තේරුම් ගැනීමට ඔබට ඇති නොහැකියාවයි....කැනඩාවේ ඇත්තේ ඉංග්‍රීසි-ප්‍රංශ කේන්ද්‍රීය ආන්ඩුවක් බව බැක්ෆුට් යමින් මා කිවා යැයි පවසමින් රඟ දැක්වුණු නාටකයේ විරාමයෙන් පසු කොටසයි. මෙහි හොඳම ආතල් එක ඇත්තේ මා කියන දෙය වැරදියට තේරුම් ගන්නවා මදිවට ඒවා නිසා ඔබට පිළිකුලද දැනීමයි. මට ඔබට ඉතාම කරුණාවෙන් කීමට ඇත්තේ මෙපමණයි. මට රතු ඉන්දියානුවන් හෝ වැද්දන් ගැන දෙමළු ගැන නැති කැක්කුමක් නැත. මට ඔවුන් සැවොම ගැන ඇත්තේ එක හා සමාන කැක්කුමකි. එබැවින්ම මා ඔවුන් සියල්ලන්ටම යෝජනා කරන්නේ එකම විසඳුමකි. එහෙත් ඔබට හෝ (මා ගත් උදාහරණයේදී නම් කොල්වින්ට) එසේ කිව හැකිද? නොහැක. මන්දයත් 'භාශා දෙකක් එක රටක් - එක රටක් භාශා දෙකක්' කියන විටම දෙමළාට සුවිශේෂ වූ ප්‍රශ්ණ ඇතත් වැද්දාට එවන් ප්‍රශ්ණ නැතැයි උපකල්පනය කෙරී ඇති බැවිනි. දෙමළ බසට සමතැන නොදුන්නොත් රට දෙකඩ විය හැකි වුවද වැදි බසට එම තැන නොදුන්නාට අවුලක් නැතැයි උපකල්පනය කෙරී ඇති බැවිනි. මා මේ පෙන්නන්නේ කොල්වින්ලා යෝජනා කල ඔබද අනුදැන වදාරන විසඳුමේ ඇති අසංගතභාවයයි. එහෙත් ඇඟිල්ල දෙස බලා එය තේරුම් ගත නොහැක. කළ යුතුව ඇත්තේ සඳ දෙස බැලීමයි.

    - ප්‍රභංග

    පසු සටහන: මෙතෙක් වේලා සංවාදයේ යෙදීම ගැන ස්තූතියි. කාල වේලා මද බව වැනි හේතු නිසා ඉදිරියේදී ඔබේ තර්ක වලට පිළිතුරු දිය හැකි වෙතැයි සහතික විය නොහැක. යම් හෙයකින් එසේ පිළිතුරු දීමට නොහැකි වුවහොත් ඔබගේ පිළිතුර නොසළකා හැරියා කියා හෝ පිළිතුරක් නැතිකමට නොදී සිටියා කියා හෝ නොසිතනු ඇතැයි බලාපොරොත්තු වෙමි.

    ReplyDelete
  36. @ ප්‍රභංග

    ඔබ වචන වලින් ක්‍රීඩා කරනවා පමනි.සංවාද කිරීම සහ ක්‍රීඩා කිරීම අතර අවාසනාවට මෙන් වෙනසක් තිබේ.මේ මා කැනඩාව/ඉන්දියාව පිලිබද කල මුල්ම සටහනයි.මේ සටහන තුල මගේ සමස්ත තර්කය සංක්ෂිපත් වී තිබේ යැයි සිතමි

    //ලංකාවේදී තත්වය සරලව මෙසේය.දකුන ලෙස අප හදුන්වන ප්‍රදේශ වල සමස්තයක් ලෙස ජනගහනයේ බහුතරය සිංහලය.උතුර ලෙස අප හදුන්වන ප්‍රදේශයේ ( සහ නැගෙනහිර ඇතැම් ප්‍රදේශවල - ජනපදකරන ව්‍යාපාරයට පෙර මුලු නැගෙනහිරම) බහුතර ජනගහනය දෙමලය.මෙම දෙමල ජනගහනය මුලු දිවයිනේම ජනගහනයේ ප්‍රතිශතයක් ලෙස ගත්කල සුලුතරයකි.ඔබ ලොව ඕනෑම රටක් යනුවෙන් ගත් නිසා මටත් ලොව ඕනෑම රටක් ගෙන මීට සමාන තත්ව පැහැදීමට අවසර තිබේ යැයි සිතමි.කැනඩාවේ සෙසු සියලු ප්‍රාන්තවල බහුතර ජනයා ඉංග්‍රීසි වහරන අතර ක්වෙබෙක්හි ජනයා ප්‍රංශ බස වහරති.ඉන්දියාවේදී බහුතරය හින්දි වහරන අතර තමිල්නාඩුවේ ජනයා දෙමලද,කේරලයේ ජනයා මලයාලම්ද ආදි ලෙස විවිධ ප්‍රාදේශීය භාෂා වහරති.ඒ ඒ ප්‍රදේශවල ඒ ඒ වර්ගයන්ට අදාල අනන්‍ය සංස්කෘතියක් ගොඩනැගී තිබේ.දැන් කැනේඩියානු රාජ්‍යය ක්වෙබෙක් ප්‍රාන්තය තමා සමග තබාගන්නේ කෙසේද?ක්වෙබෙක් වෙත කඩාවැදී එහි ඉංග්‍රීසි ජනපද බලහත්කාරයෙන් ඉදිකිරීමෙන්ද?ක්වෙබෙක් ජනයාගේ ප්‍රශ්න ගැන කතාකරන දේශපාලන ක්‍රියාකාරීන් අතුරුදහන් කිරීමෙන්ද?ඉන්දීය රජය තමිල්නාඩුව හෝ කේරලය තමා සමග තබාගන්නේ කෙසේද?තමිල්නාඩුවට කඩා වැදී හින්දි භාෂාවෙන් ලියූ බෝඩ් සවි කිරීමෙන්ද?කේරලය බහුවාර්ගිකකරනය කිරීමට යැයි කියා හින්දි වහරන ජනයා තොග පිටින් ගෙනගොස් හමුදා ආරක්ෂාව යටතේ ඔවුන් එහි පදිංචි කිරීමෙන්ද?ජනවාර්ගික විවිධත්වයක් තිබෙන සහ ලංකාවේ/කැනඩාවේ/ඉන්දියාවේ වගේ එම විවිධත්වය ප්‍රාදේශීය ස්වභාවයක් උසුලන රටවල එම විවිධත්වය ගැටුමක් රහිතව පවත්වාගත හැක්කේ/එසේ පවත්වාගෙන තිබෙන්නේ ඒ ඒ ප්‍රජාවන්ගේ ස්වයංපාලන අයිතිය පිලිගැනීමෙනි!එසේ කිරීමෙන් පමනි!//

    මෙම රටවල වාර්ගික විවිධත්වයක් තිබේ.එම විවිධත්වය ප්‍රාදේශීය ස්වභාවයක් උසුලයි.එනම් යම් නිශ්චිත භූගෝලීය කලාපයක යම් ජනවර්ගයක් විශාල වශයෙන් ජීවත් වේ.(ඉන්දියාවේ තමිල්නාඩුව/කැනඩාවේ ක්වෙබෙක්/ලංකාවේ උතුර).මෙවැනි කලාප පොදු රාජ්‍යය සමග තබාගැනීමට ප්‍රවේශ දෙකක් තිබේ.එකක් ඒ කලාප වල පාලන කටයුතු සම්බන්ධයෙන් ඒ කලාප වල ජනයාගේ නියෝජිතයන්ට වැඩි බලයක් පැවරෙන ක්‍රමයකට යාමයි.එය ප්‍රජාතන්ත්‍රවාදීව බලය බෙදාහදා ගැනීමකි.කැනඩාවේ හා ඉන්දියාවේ සිදුකොට තිබෙන්නේ එයයි.අනිත් ක්‍රමය බලහත්කාරය යොදවා අනුමැතිය දිනාගන්නට වෑයම් කිරීමයි.ඔබ වැන්නවුන් ඇඩ්වොකේට් කරන්නේත් අද ලංකාවේ අත්හදා බැලෙමින් තිබෙන්නේත් එම ක්‍රමවේදයයි.අපි දිගින් දිගටම කියන්නේ එලෙස බලහත්කාරයෙන් ජනපද පිහිටුවීමෙන් හෝ බලය යෙදවීමෙන් හෝ දිගුකාලීනව ඒකාබද්ධතාවයක් පවත්වාගත නොහැකි බවයි.එසේ ඒකාබද්ධතාවය සාර්ථකව පවත්වා ගත් රාජ්‍යයක් සම්බන්ධව උදාහරන (මා දන්නා තරමින්) නොමැති තරම්ය.එවැනි විවිධත්වයක් සාර්ථකව කලමනාකරනය කරගත් රාජ්‍යයක් වේ නම් ඒ බලය බෙදාහදාගත් රාජ්‍යයන් වෙති.ප්‍රශ්නය සාර්ථකව කලමනාකරනය කරගත්තා යැයි ලියූ විට ප්‍රශ්න සියල්ල සියයට සියයක් විසදුවා යනුවෙන් ඉන් ගම්‍ය වේ යැයි සිතන තරමට ඔබ අනුවන බව මුලදී මා නොසිතුවෙමි.අප ලෝකයේ සෑම දෙයම ගැන කතාකරන්නේ සංසන්දනාත්මක අර්ථයකිනි.ජයසූරියට වඩා මහේල හොද නායකයෙක් කියන්නේ මහේල 100% ක් හොද නිසා නොව සංසන්දනාත්මක තේරුමකිනි.ඒ වගේම වාර්ගික විවිධත්වය කලමනාකරනයට මධ්‍යගතවාදයට වඩා ස්වයංපාලනය සාර්ථකයි කියන්නේත් එවැනි තේරුමකිනි.කැනඩාවේ ජනගහනයේ ගිනීමට පවා අසීරු ප්‍රතිශතයක් වූ රතු ඉන්දියානු ජනයා ( එම ජනයාගේ අයිතීන් නොවැදගත් බව මින් අදහස් නොවේ.මෙසේ වරහන් තුල සෑමදේම ලියන්නට සිදුවන්නේ එසේ නොකලහොත් සිතාගැනීමටත් අසීරු විවිධ තේරුම් ඊට දීමට ඔබ උත්සාහ කරන නිසාය) ගැන ඔබ කතාකරන්නේ එරට තිබූ ප්‍රධානතම වාර්ගික ප්‍රතිවිරෝධය වූ ඉංග්‍රීසි-ප්‍රංශ ප්‍රතිවිරෝධය කලමනාකරනය වූ අයුරු පිලිබද ජීවමාන ප්‍රබල නිදර්ශනය නිර්ලජ්ජිත ලෙස නොසලකා හරිමිනි.කංචිපුරම් හි තෙලිගු බස කතාකරන්නෙකු ගැන ඔබ කතාකරන්නේ ඉතිහාසයේ දමිල බෙදුම්වාදී ව්‍යාපාරය දුර්වල කිරීමෙහිලා විමධ්‍යගතකරනය ඉටු කල සේවය නම් ප්‍රබල නිදර්ශනය නොතකා හරිමිනි.ප්‍රභංග මෙය බුද්ධිමය තක්කඩිකමකි.එය තක්කඩිකමක් බව ඔබද දනිතැයි සිතමි.මෙය හදක් හෝ ඇගිල්ලක් පිලිබද ප්‍රශ්නයක් නොව සංවාදයේ අවංකකම පිලිබද ප්‍රශ්නයකි.

    ReplyDelete
  37. ප්‍රධාන ප්‍රතිරෝධය විසදීම ගැන කතා නොකොට අවශේෂ ප්‍රතිරෝධයන් උත්කර්ෂයට නැංවීම පිලිබද ඔබේ ප්‍රවේශය සලකමු.( ඔබ එසේ එය අධිතක්සේරු කිරීමට වෑයම් කරන්නේ ප්‍රධාන ප්‍රතිරෝධය විසදූ අන්දම ගැන ඔබට පිලිතුරක් නැති නිසා බව නැවත ලියමි) කැනඩාවේ රතු ඉන්දියානුවන්ට ස්වයංපාලන කලාප නැත්තේ ඇයි?මීට පිලිතුර ඔබද දනී.ඒ කෙහෙල්මල් ඉංග්‍රීසි කේන්ද්‍රයක් නිසා නොව වෙනම සන්ධිය ඒකකයක් නිර්මානය කිරීමට තරම් එම ජනකොටස සංඛ්‍යාත්මකව බහුල නොවන නිසා සහ ඔවුන් රට පුරා පැතිරී සිටින නිසාය.කැනඩාවේ ආදිවාසී ජනයා ගැන තොරතුරු පහත සබැදියෙන් ලබාගත හැක.

    http://www12.statcan.ca/english/census01/products/analytic/companion/abor/canada.cfm

    තමා ආදිවාසී මූලයකින් පැවැතෙනවා යැයි හදුන්වාගන්නා ජන අනුපාතය මුලු ජනගහනයෙන් 2%-3% අතර වන අතර ඔවුන් රට පුරා විසිරී ජීවත් වේ.එයින්ද ඇත්තෙන්ම ආදිවාසී භාෂාවන් වහරනුයේ ( ලක්ෂ නමයක් පමන වූ ආදිවාසී මූලයක් සහිත යැයි හදුන්වාගන්නා ජනයාගෙන්) හතරෙන් එකක ජනකොටසක් පමනි.ප්‍රංශ බස කතාකරන ජනයා කැනේඩියානු ජනගහනයේ ප්‍රතිශතයක් ලෙස 25% පමන වේ.ස්වයංපාලනය පිලිබද ඉල්ලීමක් අඩුම තරමින් එම රතු ඉන්දීය ජනයා අතරින් පැනනැගී හෝ නැත.ලංකාවේ දෙමල ජනයා දැන් අවුරුදු හැටගනනක් තිස්සේ ස්වයංපාලන අයිතිය ඉල්ලමින් සිටී.කැනඩාවේ රතු ඉන්දියානුන්ගේ ස්වයංපාලනය ගැන (එවැන්නක් ගැන ඒ ජනයා අතර හෝ ඉල්ලීමක් නොමැති සන්දර්භයක් තුල) මරාගෙන මැරෙන්න හදන ප්‍රභංග එම ඉල්ලීම පැහැදිලිව ඉදිරිපත් කොට තිබෙන දෙමලුන්ගේ ස්වයංපාලන අයිතිය සම්බන්ධයෙන් මාරාන්තික ලෙස විරුද්ධ වීමයි පිලිකුල දනවන්නේ.ස්වයංපාලන කලාප නැතිවූවාට කැනඩාව බදු රටවල ස්වදේශීය ජනයාගේ අයිතිවාසිකම් වෙනුවෙන් ප්‍රබල ක්‍රියාමාර්ග ගෙන තිබෙන බව සොයාබැලුවහොත් ඔබට සොයාගත හැකිවනු ඇත.එක්සත් ජනපදයේ මා දන්නා තරමින් ස්වදේශීය ජනකොටස් සම්බන්ධව තෙවෙනි තලයේ ආන්ඩුකරන ක්‍රමවේදයක් ක්‍රියාවෙහි පවතී.කැනඩාවේ ප්‍රාන්ත කිහිපයක ආදිවාසි භාෂා රාජ්‍ය භාෂා වෙති.( ඔබ වැන්නවුන් ඉතිහාසයේදෙමලුන්ට ස්වයංපාලනය දෙනවා තබා දෙමල බස රාජ්‍ය භාෂාව කිරීමටද මාරාන්තික ලෙස විරුද්ධ විය!)

    ReplyDelete
  38. ඉහත සියලු දත්ත අමතක කොට දමා කැනඩාවේ රතු ඉන්දියානුන්ගේ ප්‍රශ්නයක් තිබෙන බවත් එම ජනයා වෙනස් කොට සැලකීමට ලක්වන බවත් මොහොතකට උපකල්පනය කරමු.එනම් කැනඩාවට රතු ඉන්දීය ජනයාගේ අනන්‍යතාවය ආරක්ෂා කිරීමට නොහැකි වී තිබේ යැයි සිතමු.නමුත් ඉංග්‍රීසි-ප්‍රංශ ප්‍රතිරෝධය විසදීමට ස්වයංපාලන සංකල්පය ඉවහල් වීම පිලිබද නිදර්ශනය එමගින් නිශේධනය වන්නේ කෙසේද?කැනඩාවේ සන්ධී්‍ය ක්‍රමය = ලංකාවේ උඩරට ගිවිසුම වැනි අමන කතා කිසිසේත් ශාස්ත්‍රීය නොවේ.කැනඩාවේ ආන්ඩු ක්‍රමයේ විකාශනය ගැන මීට වඩා තරමක් කියවා ආවොත් ඔබ අදහස් දැක්වීමේදී ඊට වඩා පරිනත වනු ඇතැයි සිතමි.

    ReplyDelete
  39. හමුදාවේ බහුවාර්ගිකත්වය සම්බන්ධ උදාහරනයේදී මා දුන් නිදර්ශන පිලිබද ඔබ වචනයකුදු දොඩා නැත.එයද ඔබේ බුද්ධිමය කුටිලභාවය පෙන්වනු ලබන්නකි.හුදෙක් තර්කයෙන් දිනීම සදහා තර්ක කොට පලක් නැත.සංවාදයකදී අප අවංක විය යුතුය.එසේ නොවන ඔබේම වචනයෙන් කියන්නේ නම් හුදු “ගේම් ඉල්ලීම්“ සදහා සංවාද කිරීම අර්ථ විරහිත ප්‍රදර්ශන ක්‍රීඩාවකි.ඉන්දියාවේ ආන්ඩුව ගැන සිදුවුනු කතාබහද එසේය.ෆෙඩරල් ක්‍රමයකදී - ඉන්දියාව වැනි දුබල සන්ධීය ක්‍රමයකදී පවා - මධ්‍යම ආන්ඩුව සතු බලතල සීමිතය.විශාල වශයෙන් බලතල ප්‍රාදේශීය ස්වයංපාලන ඒකක මතය පවරා තිබෙන්නේ.මේ නිසා ලංකාවේ ආන්ඩුව = කොලඹ තිබෙන එක යනුවෙන් සිතාගැනීම නිවැරදි වුවද ඉන්දියාවේ ආන්ඩුව = දිල්ලියේ තියෙන මධ්‍යම ආන්ඩුව යැයි සිතීම සම්පූර්නයෙන්ම වැරදිය.තමිල්නාඩුවේ වැසියාට වඩාත්ම බලපාන ආන්ඩුකරන ව්‍යුහය වනුයේ තමිල්නාඩු ප්‍රාන්ත ආන්ඩුව මිස දිල්ලියේ තිබෙන එක නොවේ.සන්ධීය ක්‍රමයක තිබෙන මෙම වෙනස් සන්දර්භය නැවත නැවත පෙන්වා දුන්නත් ඒ ගැන සිතීමට පවා ඔබ යොමු නොවේ.ස්වයංපාලනය පිලිබද නිශ්චිත මොඩලයට ඔබ එරෙහි වන්නේ අඩුම තරමින් වාර්ගික විවිධත්ව කලමනාකරනය කිරීම සදහා උචිත මොඩලයක් හෝ යෝජනා කරන්නේ නැතිවය!කැනඩාවේ හෝ ඉන්දියාවේ කඩතොලු සොයන ඔබ සන්ධීය ක්‍රමයක් නැතිව ඉන්දියාවේ මධ්‍ය ආන්ඩුවේ ඒකාධිකාරයක් තිබ්බා නම්,කැනඩාවේ සන්ධීය තත්වයක් නොතිබුනා නම් ඇතිවිය හැකිව තිබූ තත්වය ගැන කිසිදු සැලකීමක් කිරීමට සූදානම් නැත.

    ( මෙම කරුන සම්බන්ධව අදහස් දැක්වීමෙන් මෙතැනින් මම ඉවත්වෙමි.අපගේ කතාබහ ලිපියේ අඩංගුවෙන් බොහෝ ඈතට ගිය අතර මෙතැන්න එහා තවත් එය ඇදීමේ අපේක්ෂාවක් නොමැත.ප්‍රතිචාර දක්වමින් සම්බන්ධ වූවාට ඔබට ස්තුතිය පලකරමි.)

    ReplyDelete